મુખ્યમંત્રી વિજય રૂપાણીએ કોરોનાથી સાજા થનારા લોકો સાથે કર્યો સંવાદ
Live TV
-
31-03-2020 | 11:19 am
Share Now
મુખ્યમંત્રી વિજય રૂપાણીએ વિશ્વવ્યાપી મહામારી કોરોના વાયરસની બિમારીનો ગુજરાતમાં ભોગ બનેલા વ્યકિતઓ પૈકી સમયસરની સારવારથી સાજા થઇ પોતાના ઘરે જઇ રહેલી ચાર જેટલી વ્યકિતઓ સાથે સ્વજન સહજ સંવાદ કરીને તેમને સ્વસ્થ જીવનની શુભેચ્છાઓ પાઠવી હતી. મુખ્યમંત્રીએ અમદાવાદ અને સુરતના ચારેય વ્યક્તિઓ સાથે પોતાના નિવાસ સ્થાનેથી જનસંવાદ કેન્દ્ર માધ્યમ દ્વારા ટેલિફોનિક સંવાદ કર્યો હતો. જેમાં આ ચારેય વ્યકિતઓ પાસેથી તેમને તબીબો, પેરામેડીકલ, હોસ્પિટલ સ્ટાફ વગેરે તરફથી મળેલા સહયોગ અને સુશ્રુષા સુવિધાની પૃચ્છા કરી હતી સાથે જ તેમને દીર્ધાયુની શુભકામનાઓ પણ પાઠવી હતી.
