મુખ્યમંત્રી વિજ્ય રૂપાણીની અધ્યક્ષતામાં ગાંધીનગર ખાતે યોજાઈ ઉચ્ચ સ્તરીય બેઠક

રાજ્યમાં ચાલી રહેલા મહત્વપૂર્ણ રેલ્વે પ્રોજેક્ટની સર્વગ્રાહી કામગીરીની કરી સમીક્ષા

મુખ્યમંત્રી વિજ્ય રૂપાણીએ રાજ્યમાં ચાલી રહેલા મહત્વપૂર્ણ રેલ્વે પ્રોજેક્ટની સર્વગ્રાહી કામગીરી સમીક્ષા ઉચ્ચ સ્તરીય બેઠક યોજીને કરી હતી. આ સંદર્ભમાં બેઠકમાં જણાવવામાં આવ્યું કે, ફ્રેઈટ કોરિડોરની કામગીરી આગામી 2021 ડિસેમ્બર પહેલા પૂર્ણ કરી દેવાશે. રાજ્ય સરકારે આ પ્રોજેક્ટ હેતુસર જમીન સંપાદન સહિતની બાબતોમાં સહયોગ કર્યો છે અને હવે આ પ્રોજેક્ટ ઝડપથી પૂર્ણતા તરફ આગળ ધપી રહ્યો છે. આ પ્રોજેક્ટનો પ્રથમ તબક્કો માર્ચ 2020 માં કાર્યરત થઈ જશે. આ બેઠકમાં નાયબ મુખ્યમંત્રી નીતિન પટેલ ઉપરાંત મુખ્ય સચિવ ડૉ. જે.એન.સિંઘ , મહેસૂલ અધિક મુખ્ય સચિવ પંકજ કુમાર સહિત રાજય સરકારના વરિષ્ઠ સચિવો , રેલ્વે બોર્ડના અધ્યક્ષ અન્ય અધિકારીઓ ઉપસ્થિત રહ્યાં હતા.