મોડાસામાં સાપને બચાવવા માટે વિદ્યાર્થીઓ માટે અવેરનેસ કાર્યક્રમ યોજાયો

મોડાસાની સરસ્વતી હાઇસ્કૂલ ખાતે દયા ફાઉન્ડેશન દ્વારા સાપને બચાવવા માટે વિદ્યાર્થીઓ માટે અવેરનેસ કાર્યક્રમ યોજાયો

ગઈકાલે નાગપાંચમી હતી ત્યારે વિદ્યાર્થીઓને સાપ વિશે જાણકારી મળી રહે તે માટે વિશેષ માર્ગદર્શન આપવામાં આવ્યું હતું. મોડાસાની સરસ્વતી હાઇસ્કૂલ ખાતે દયા ફાઉન્ડેશન દ્વારા સાપને બચાવવા માટે વિદ્યાર્થીઓ માટે અવેરનેસ કાર્યક્રમ યોજાયો હતો. જેમાં સાપ કેવી રીતે પર્યાવરણ માટે ઉપયોગી નિવડે છે અને ખેતીવાડી માટે ખેડૂતોને પાકમાં થતાં નુકસાનને સાપ કેવી રીતે બચાવી શકે છે, તે અંગે માર્ગદર્શન આપવામાં આવ્યું હતું. દયા ફાઉન્ડેશનના સભ્યો દ્વારા સાપને ન મારવા માટે લોકોને અપીલ પણ કરવામાં આવી હતી. સાપ વિશે આજે લોકોમાં કેટલીક ગેરમાન્યતાઓ છે, તેને પણ ફાઉન્ડેશન દ્વારા દૂર કરવામાં આવી હતી.