રાજકોટમાં સુલતાનપુર હનીટ્રેપ પ્રકરણમાં એક મહિલા સહિત પાંચ આરોપીઓની ધરપકડ

રાજકોટ રુરલ એલસીબીએ રોકડ રકમ સહિત રૂ 21,76,600 લાખનો મુદ્દામાલ કબજે કરી આરોપીઓ સામે કાર્યવાહી હાથ ધરી

રાજકોટમાં સુલતાનપુર હનીટ્રેપનો રુરલ એલસીબીએ ભેદ ઉકેલી નાંખ્યો છે. પોલીસે એક મહિલા સહિત 5 આરોપીઓ પાસેથી રોકડ સહિત રૂપિયા 21,76, 600નો મુદ્દામાલ જપ્ત કર્યો હતો.  
એક મહિલાએ મોરબીના વેપારીને હનીટ્રેપમાં ફસાવી બળાત્કારની ધમકી આપીને લાખો રૂપિયા પડાવ્યા હતાં. આ મામલે 4 માર્ચે સુલતાનપુર પોલીસ સ્ટેશનમાં ફરિયાદ નોંધાતા પોલીસે વિવિધ કલમો હેઠળ ગુનો નોંધીને તપાસ હાથ ધરી હતી. તેમજ આ ટોળકીએ અનેક ઉદ્યોગપતિ અને વેપારીઓને હનીટ્રેપમાં ફસાવ્યા હોવાની પોલીસને આશંકા છે. જે મામલે પોલીસ દ્વારા વધુ તપાસ હાથ ધરવામાં આવી છે.