રાજપીપલા ખાતે હરિસિદ્ધિ માતાજી મંદિરે રાજવી પરિવાર દ્વારા 457 વર્ષથી હવન કરવાની પરંપરા યથાવત

રાજપીપલા ખાતે ઐતિહાસિક હરિસિદ્ધિ માતાજી મંદિરે રાજવી પરિવાર દ્વારા 457 વર્ષથી આસો સુદ નોમના દિવસે હવન કરવામાં આવી રહ્યો છે. હાલ 8મી પેઢી દ્વારા આ નોમનો હોમ-હવન કરવામાં આવ્યો છે.

રાજા વેરીસાલજી ઉજ્જૈનથી માં હરસિદ્ધિને સાક્ષાત રાજપીપલા લાવ્યા હતા. તે સમયથી શારદીય નવરાત્રીમાં અહીં મેળો ભરાઈ છે. માતાજીના મંદિરે દિવસમાં 3 વાર આરતી કરવામાં આવે છે. હરસિદ્ધિ મંદિરે આઠમ-નોમનું ખુબ મહત્વ છે. ખાસ નોમના દિવસે રાજપીપલાના મહારાજા રઘુવીરસિંહજી, યુવરાજ અને રાજવી પરિવારના સભ્યો દ્વારા બ્રાહ્મણોની હાજરીમાં હોમ-હવન કરવામાં આવે છે.

12 બ્રાહ્મણો દ્વારા આ હવનમાં આહુતિ આપવામાં આવે છે. શાસ્ત્રોક્ત રીતે સવારે મહારાજાની હાજરીમાં હોમની શરૂઆત કરવામાં આવે છે અને સાંજે સૂર્યાસ્ત પેહલા નારિયળ હોમીને યજ્ઞની પુર્ણાહુતી કરવામાં આવે છે.