રાજ્યમાં CNG સ્ટેશન સ્થાપવાની પ્રક્રિયા અંતર્ગત CM રૂપાણીએ લીધા મહત્વના નિર્ણય 

મુખ્યમંત્રી વિજય રૂપાણીએ રાજ્યમાં સી.એન.જી. સ્ટેશન સ્થાપવાની પ્રક્રિયાને વેગ મળે તે માટે મહત્વના નિર્ણય લીધા છે. 

સી.એન.જી. સહભાગી યોજના હેઠળ લેવાયેલા નિર્ણય મુજબ , હાલ કાર્યરત પેટ્રોલ પંપ તેમજ નવા શરૂ થનારા સી.એન.જી. સ્ટેશન માટે લેવાની રહેતી ફાયર વિભાગની મંજૂરી ઉપરાંત  વજન-માપન અને સ્ટેમ્પિંગ સંબંધિત મંજૂરી ઓનલાઈન અરજી કર્યાના 7 દિવસમાં જ આપી દેવામાં આવશે. 

સરકારે તાજેતરમાં સીએનજી વાહન ધારકોની સુવિધા માટે , રાજ્યમાં મોટી સંખ્યામાં , સીએનજી પંપ શરૂ કરવાની જાહેરાત કરી હતી. સીએનજી સહભાગી યોજના અંતર્ગત કામગીરી કરવા બદલ , સીએનજી ડિલર એસોસીએશને  મુખ્યમંત્રીનો આભાર માન્યો હતો. આ યોજના અંતર્ગત બે વર્ષમાં રાજ્ય સરકાર હસ્તકના ગુજરાત ગેસ લિમીટેડ  તેમજ સાબરમતી ગેસ લિમીટેડ દ્વારા 300 થી વધુ નવા સીએનજી સ્ટેશન કાર્યરત કરવાની યોજના છે.