રેલ્વે બોર્ડના ચેરમેન અમદાવાદની મુલાકાતે

ગાંધીનગર ખાતે ચાલી રહેલા રેલ્વે પ્રોજેકટની કરી સમીક્ષા.

રેલ્વે બોર્ડના ચેરમેન અશ્વિન લોહાની આજે અમદાવાદની મુલાકાતે આવ્યા હતા. તેમણે અમદાવાદ તેમજ ગાંધીનગરમાં ચાલી રહેલા રેલ્વેના પ્રોજેક્ટની સમીક્ષા કરી હતી. તેમણે અમદાવાદ રેલ્વે સ્ટેશનના રિડેવલોપમેન્ટ અને સ્ટેશન પર આવનાર પ્રવાસીને સારી સુવિધા મળે તે માટેના પ્રોજેક્ટની સમીક્ષા કરી હતી. આ ઉપરાંત તેમણે જણાવ્યું હતું કે, ગાંધીનગર કેપિટલ રેલ્વે સ્ટેશન અને હોટલનું કામ આ વર્ષના અંત સુધીમાં પૂરૂં થઈ જશે. તેમણે એમ પણ જણાવ્યું હતું કે, ગુજરાતના તમામ પ્રોજેક્ટ ઝડપી અને સમયસર ચાલી રહ્યાં છે અને બુલેટ ટ્રેનના પ્રોજેક્ટને લઈને પણ ટેન્ડર પ્રક્રિયા પણ ચાલી રહી છે. આ નિર્માણ કાર્યોની સ્થળ પર જાત મુલાકાત લઈને તેમણે યોગ્ય દિશા નિર્દેશ કર્યા હતા.