લો-ગાર્ડન પાસેની "ખાઉ ગલી" હવે "હેપી સ્ટ્રીટ" ના નામે ઓળખાશે

અમદાવાદ મ્યુનિસિપલ કોર્પોરેશન દ્વારા આ સ્ટ્રીટનું રૂપિયા સાડા આઠ કરોડનાં ખર્ચે નવીનીકરણ કરીને સ્ટ્રીટને હેરીટેજ લૂક આપવામાં આવ્યો છે

અમદાવાદ શહેરમાં લો-ગાર્ડન પાસે આગવી ઓળખ ધરાવતી "ખાઉ ગલી" હવે તેના નવા રૂપરંગ સાથે "હેપી સ્ટ્રીટ" ના નામે ઓળખાશે. અમદાવાદ મ્યુનિસિપલ કોર્પોરેશન દ્વારા આ સ્ટ્રીટનું રૂપિયા સાડા આઠ કરોડનાં ખર્ચે નવીનીકરણ કરીને સ્ટ્રીટને હેરીટેજ લૂક આપવામાં આવ્યો છે. મુખ્યમંત્રી વિજય રૂપાણીના હસ્તે આ ફૂડ સ્ટ્રીટને શહેરીજનો માટે ખુલ્લી મૂકાશે. આ અંગે માહિતી આપતા મેયર શ્રીમતી બીજલ પટેલે જણાવ્યું કે રંગબેરંગી રોશનીથી ઝળહળતી આ "હેપી સ્ટ્રીટ"માં / ખાસ ડિઝાઇન કરેલી 34 હાઇજેનિક ફૂડ વાન ઉભી રહેશે. ખાણી-પીણીનાં શોખીનો હવે આ નવીનતમ સુવિધાનો લાભ લઇ શકશે.