વિજાપુર ખાતે નાયબ મુખ્યમંત્રી નીતિન પટેલે કરાવ્યો શાળા પ્રવેશોત્સવ

નાયબ મુખ્યમંત્રી નીતિન પટેલે શાળામાં શૈક્ષણિક સુવિધાઓ અન્ય સુવિધાઓ સહિત વિવિધ બાબતોની સર્વગ્રાહી સમીક્ષા કરી જરૂરી સૂચનો કર્યા હતા.

મહેસાણા જિલ્લાના વિજાપુર ખાતે ઝવેરી હાઇસ્કુલ ખાતે નાયબ મુખ્યમંત્રી નીતિન પટેલે શાળા પ્રવેશોત્સવ કરાવ્યો હતો. નાયબ મુખ્યમંત્રીશ્રીએ આંગણવાડી,ધોરણ ૧,ધોરણ ૬ અને ધોરણ ૯ ના બાળકોને પ્રવેશે કરાવ્યો હતો.આ ઉપરાંત શાળામાં શૈક્ષણિક સુવિધાઓ અન્ય સુવિધાઓ સહિત વિવિધ બાબતોની સર્વગ્રાહી સમીક્ષા કરી જરૂરી સૂચનો કર્યા હતા. નાયબ મુખ્યમંત્રીશ્રીએ ઝવેરી હાઇસ્કુલના શાળા પટાંગણમાં વૃક્ષારોપણ કર્યુ હતુ. નાયબ મુખ્યમંત્રીશ્રી દ્વારા દાતાશ્રીઓનું સન્માન કરવામાં આવ્યું હતું.શાળા પ્રવેશોત્વના કાર્યક્રમમાં વિધાર્થીઓ દ્વારા યોગ નિદર્શન, સ્વાગત ગીત અને વિવિધ વિષય પર અમૃત વચન રજુ કરાયું હતું.આ ઉપરાંત વિધાર્થીનીઓને સરસ્વતી સાધના યોજના હેઠળ સાયકલ આપવામાં આવી હતી.