વિધાનસભા સત્રનો આજે ત્રીજો દિવસ, સવારની બેઠકમાં રાજ્યપાલશ્રીના સંબોધન પર ચર્ચા

વિધાનસભા સત્રનો આજે ત્રીજો દિવસ. આજે વિધાનસભાની બે બેઠક મળી હતી. જેમાં સવારની બેઠકમાં રાજ્યપાલશ્રીના સંબોધન પર ચર્ચા કરવામાં આવી હતી. જ્યારે બીજી બેઠકમાં પ્રશ્નોત્તરી થઈ જેમાં માર્ગ મકાન નાણા વિભાગ આરોગ્ય વિભાગ ઉર્જાવિભાગ તથા જળ સંપત્તિ વિભાગના પ્રશ્નોને આવરી લેવામાં આવ્યા હતા. વિધાનસભા અધ્યક્ષને એક વર્ષ પુરૂ થતા પંકજ દેસાઈ ભુપેન્દ્રસિંહ ચુડાસમા અને શૈલેષ પરમારે અભિનંદન પાઠવ્યા. આજે ત્રીજા દિવસે ગૃહમાં ગુજ-ટુર ડેવલપમેન્ટ કંપની લિમિટેડ ધોલેરા ઈન્ટરનેશનલ એરપોર્ટ કંપની લિમિટેડ નેશનલ હાઈ સ્પીડ રેલ કોર્પોરેશન ગુજરાત પાવર કોર્પોરેશન ગુજરાત રાજ્ય જમીન વિકાસ નિગમ ગુજરાત વિચરતી અને વિમુક્ત જાતિ વિકાસ નિગમ ગુજરાત મહિલા આર્થિક વિકાસ નિગમ ગુજરાત જાહેર સેવા આયોગ ગુજરાત વિધુત નિયંત્રક આયોગ ગુજરાત રાજ્ય બાળ અધિકાર સંરક્ષણ આયોગ ગુજરાત પાણી પુરવઠા અને ગટર વ્યવસ્થા બોર્ડના જેવા નિગમ આયોગની વાર્ષિક કામગીરી તથા ઓડિટના અહેવાલ પર સમીક્ષા તથા ચર્ચા કરવામાં આવી રહી છે.