સરથાણા નેચર પાર્કમા એશિયાઈ વરૂનું સફળ બ્રેડિંગ: 2 બચ્ચાંને જન્મ

વરુ ગર્ભધારણ સમય 60થી 72 દિવસનો હોય છે અને બ્રિડીંગ સીઝન ઓક્ટોબરથી જાન્યુઆરી હોય છે.

નેચર પાર્ક સરથાણા ખાતે એશિયાઈ વરૂ (Asiatic wolf)નું સફળ બ્રેડિંગ થયેલ છે. નારી વરૂએ 2 બચ્ચાંને ઓપન યાર્ડમાં બનાવેલ કુત્રિમ બખોલમાં તા.04-01-2024ના રોજ જન્મ આપેલ છે. બંને બચ્ચા હાલ તંદુરસ્ત માલૂમ પડે છે.

આ વરૂની જોડી અગાઉ જયપુર ઝૂ પાસેથી પ્રાણી વિનિમય કાર્યક્રમ હેઠળ મેળવેલ હતી અને એને કવૉરેંટિન સમય માટે અલગ પાંજરામાં રાખવામાં આવેલ. ત્યાંજ એનું પ્રજનન થઈ ગર્ભવતી હોવાનું જણાઇ આવતાં એને તાત્કાલિક વરૂ માટે બનાવેલ નવા પાંજરામાં શિફ્ટ કરવામાં આવેલ હતી. જ્યાં બે બચ્ચાંને જન્મ આપ્યો હતો.

વરુની જોડી તા.28-07-2023નાં રોજ જયપુર ઝૂથી મેળવેલ છે. જેનો ગર્ભધારણ સમય 60થી 72 દિવસનો હોય છે અને બ્રિડીંગ સીઝન ઓક્ટોબરથી જાન્યુઆરી હોય છે.