હવામાન વિભાગની આગાહી મુજબ રાજ્યમાં ઠંડીનો ચમકારો યથાવત રહેવાની સંભાવના

પાટનગર ગાંધીનગર 11 ડિગ્રી સેલ્સિયસ સાથે રાજ્યનું સૌથી ઠંડુ શહેર રહ્યું હતું.

હવામાન વિભાગની આગાહી મુજબ, રાજ્યમાં ઠંડી વધવાની સંભાવના નહિવત છે. તેમજ આવનાર 2 દિવસ આકાશ વાદળછાયું રહેશે. પાટનગર ગાંધીનગર 11 ડિગ્રી સેલ્સિયસ સાથે રાજ્યનું સૌથી ઠંડુ શહેર રહ્યું હતું, જ્યારે ડીસા 11.10 તેમજ નલિયા શહેરમાં 12.10 ડિગ્રી લઘુત્તમ તાપમાન નોંધવામાં આવ્યું હતું. આ ઉપરાંત અમદાવાદમાં 13, અમરેલીમાં 14, વડોદરામાં 12.4, સુરેન્દ્રનગરમાં 16.2, તેમજ દીવમાં 13.2 ડિગ્રી સેલ્સિયસ લઘુતમ તાપમાન નોંધાયું હતું.  

હવામાન વિભાગના વૈજ્ઞાનિક, રામાશ્રય યાદવે માહિતી આપતા જણાવ્યું હતું કે; અત્યારે રાજ્યમાં 6 કિલોમીટરની ઝડપે પવનની ગતિ જોવા મળી રહી છે તેથી એકંદરે રાજ્યમાં ઠંડીનો ચમકારો યથાવત રહેશે.