હવેથી ગુજરાત હાઈકોર્ટની સુનાવણી લાઈવ સ્ટ્રિમિંગમાં જોઈ શકાશે 

ગુજરાત હાઈકોર્ટ દ્વારા એક મહત્વનો નિર્ણય લેવામાં આવ્યો છે. હવેથી કોઈ પણ વ્યક્તિ ગુજરાત હાઈકોર્ટની કોર્ટ સુનાવણીની પ્રોસેસ જીવંત નિહાળી  શકશે.

આજે વિધિવત રીતે ગુજરાત હાઈકોર્ટ દ્વારા આ પ્રક્રિયા લૉન્ચ કરવામાં આવી છે.  આ પ્રસંગે ભારતના  મુખ્ય ન્યાયમૂર્તિ એન.વી.રમન્ના,  ગુજરાત હાઈકોર્ટના મુખ્ય ન્યાયધીશ વિક્રમનાથ સહિત વરિષ્ઠ ન્યાયાધીશો અને વકીલો ઉપસ્થિત રહ્યાં હતા.

ઑપન કોર્ટ માટે 2018માં સુપ્રિમ કોર્ટે ચુકાદો આપ્યો હતો. ગુજરાત હાઈકોર્ટ યુ-ટ્યૂબ ચેનલને 48 લાખથી વધારે વ્યુઅર્સ મળ્યા હતા. દેશમાં આ પ્રક્રિયા સૌ પ્રથમ ગુજરાત હાઈકોર્ટે શરૂ કરી છે.  સોમવારથી અન્ય કોર્ટ પણ લાઈવ સ્ટ્રિમિંગ કરશે. ગુજરાત હાઈકોર્ટની વેબસાઈટ પરથી પણ આ લાઈવ સ્ટ્રિમિંગની લીંક પ્રાપ્ત થઈ શકશે.