હોમ સ્ટે પૉલિસીને વધુ સરળ બનાવવા રાજ્ય સરકારનો મહત્વપૂર્ણ અભિગમ

મુખ્યમંત્રી વિજય રૂપાણીએ હોમ સ્ટે પૉલિસીને વધુ સરળ બનાવવા મહત્વનો અભિગમ દાખવ્યો છે. હવે રાજ્યના ગ્રામીણ જીવન સંસ્કૃતિ, ઈતિહાસ અને પરંપરાગત ધરોહર માણવા આવતા દેશ-વિદેશના પર્યટકોને પોષાય તે દરે સ્વચ્છ સુવિધા યુક્ત આવાસની સગવડ આ હોમ સ્ટે પૉલિસી અન્વયે મળશે. રાજ્યના લોકો એક થી 6 રૂમ સુધીના આવાસ અને પરિવાર સાથે વસવાટ કરતા હોય તેવા વ્યક્તિઓ આ પૉલિસી અંતર્ગત પોતાના ઘર આપી શકશે. આવા હોમ સ્ટે ને ઘરેલુ પ્રોપર્ટી ટેક્સ અને ઘરેલુ વીજ દરનો લાભ પણ મળશે. રાજ્યમાં હાલ 100 જેટલા હોમ સ્ટે કાર્યરત છે. અને હવે આ પૉલિસીને કારણે તેમાં વધારો થશે. સાથે જ ગ્રામીણ રોજગારી સાથે ટુરિઝમ અને હોટલ ઈન્ડસ્ટ્રીઝમાં રોજગારીની વ્યાપક તકો ખુલશે.