1500 સુપર એકસપ્રેસ અને 325 સેમી લકઝરી બસો એસ.ટી.નિગમમાં ઉમેરાશે

વાર્ષિક રૂ. 20 કરોડ જેટલી બચત એસ.ટી.વિભાગ દ્વારા કરવામાં આવશે.

મુખ્યમંત્રી વિજયભાઇ રૂપાણીએ ગુજરાત રાજ્ય માર્ગ વાહન વ્યવહાર નિગમ દ્વારા ભારતભરમાં પહેલ રૂપે નિર્માણ થયેલ 25 ઇન-હાઉસ સ્લીપર કોચ બસનું નાયબ મુખ્યમંત્રી નીતિનભાઇ પટેલની ઉપસ્થિતિમાં ગાંધીનગર સ્વર્ણિમ સંકુલ-1માં લોકાર્પણ કર્યું હતું. ઉલ્લેખનીય છે, કે ગુજરાત એસ.ટી. નિગમ 7 હજાર 117 બસ મારફતે દરરોજ 24 લાખ મુસાફરોને સેવા પૂરી પાડે છે. ગુજરાત એસ.ટી. નિગમ પાસે એશિયાનું સૌથી મોટું વર્કશોપ છે. જેમાં નિગમ દ્વારા આ વર્ષે 1500 સુપર એકસપ્રેસ અને 325 સેમી લકઝરી બસની ચેસીસ ખરીદી, ઇન-હાઉસ બસ બોડી બનાવવાની મંજૂરી રાજ્ય સરકારે આપી છે. આથી વાર્ષિક રૂ. 20 કરોડ જેટલી બચત વિભાગ દ્વારા કરવામાં આવશે. આ લોકાપર્ણ પ્રસંગે વાહન વ્યવહાર મંત્રી આર.સી.ફળદુ રાજ્યમંત્રી ઇશ્વરસિંહ પટેલ પણ ઉપસ્થિત રહ્યાં હતા.