31મી વીર સાવરકર અખિલ ભારતીય સમુદ્ર તરણ સ્પર્ધાનું આયોજન

સાહસીકતાનું ઉદાહરણ પુરું પાડતી અને પ્રતિવર્ષ યોજાતી રાષ્ટ્રીય કક્ષાની ૩૧મી વીર સાવરકર અખિલ ભારતીય સમુદ્ર તરણ સ્પર્ધાનું ચોરવાડથી વેરાવળ વચ્ચેના અરબી સમુદ્રમાં બુધવારે આયોજન કરવામાં આવ્યું હતું. આ સ્પર્ધામાં કુલ 19 સાહસિક તરવરીયાએ ભાગ લીધો હતો. ચોરવાડ થી વેરાવળ વચ્ચેના અરબી સમુદ્રમાં 21 નૉટીકલ માઇલની સ્પર્ધામા12 યુવાનોએ જ્યારે આદ્રીથી વેરાવળની 15 નૉટીકલ માઇલની તરણ સ્પર્ધામાં 7 બહેનૉએ ભાગ લીધો હતો. તરવૈયાઓને ખાસ પ્રકારની સુવિધા પણ પુરી પાડવામાં આવી હતી. સમુદ્રમાં દરેક સ્પર્ધકની સાથે એક-એક નાની હોડીમાં તબીબ સહિત મેડીકલ સેવા તેમજ ઈફ સેવીયર્સ, ગનમેન, બોટમેન, મેનેજર અને દરિયાઈ જીવજંતુઓ સ્પર્ધકને હાની ન પહોંચાડે તે માટે શાર્ક રેપલન્ટની વિશેષ પ્રકારની ઈમરજન્સી સુવિધા ઉભી કરવામાં આવી હતી..