CM ભૂપેન્દ્ર પટેલ મુંબઈની મુલાકાતે, ગ્લોબલ મેરિટાઈમ ઈન્ડિયા સમિટ-2023ના સમાપન સત્રમાં ભાગ લેવા પહોંચ્યા

મુખ્યમંત્રી ભૂપેન્દ્ર પટેલ આજે મુંબઈના પ્રવાસે છે. મુંબઈમાં ગ્લોબલ મેરિટાઈમ ઈન્ડિયા સમિટ-2023ના સમાપન સમારોહમાં  સત્રમાં ભાગ લેવા પહોંચ્યા. ભારત સરકારના પોર્ટ્સ, શિપિંગ એન્ડ વોટરવેયઝ મંત્રાલય દ્વારા આયોજિત આ ત્રિદિવસીય સમિટનો પ્રારંભ 17મી ઓક્ટોબરે પ્રધાનમંત્રી નરેન્દ્ર મોદીની વર્ચ્યુઅલી ઉપસ્થિતિમાં થયો હતો. આજે આ સમિટનું સમાપન થવાનું છે. 

મુખ્યમંત્રી ભૂપેન્દ્ર પટેલને કેન્દ્રિય પોર્ટ્સ, શિપિંગ એન્ડ વોરટરવેયઝ મંત્રી સર્બાનંદ સોનોવાલે આ સમિટના સમાપન સમારોહમાં ઉપસ્થિત રહેવા આમંત્રણ આપ્યું હતું જેનો મુખ્યમંત્રીએ સ્વીકાર કર્યો હતો અને આજે  બપોરે મુંબઈમાં યોજાનારા સમિટના વેલિડિક્ટરી સેશનમાં તેઓ ભાગ લેશે.

આ ગ્લોબલ સમિટના સમાપન સમારોહમાં મહારાષ્ટ્રના નાયબ મુખ્યમંત્રી દેવેન્દ્ર ફડણવીસ અને અજિત પવાર પણ ખાસ ઉપસ્થિત રહેવાના છે. સાથે જ  ભારત સરકારના વાણિજ્ય અને ઉદ્યોગ મંત્રીશ્રી પિયુષ ગોયલ તથા પોર્ટ્સ, શિપિંગ એન્ડ વોટરવેયઝ મંત્રી સર્બાનંદ સોનોવાલ પણ હાજર રહેશે. તો આ સમિટના સમાપન સમારોહમાં ભાગ લઈને મુખ્યમંત્રી સાંજે ગાંધીનગર પરત આવશે.