PM મોદીએ કોવિડ વેક્સિન લાભાર્થીઓ અને રસીકરણ સાથે જોડાયેલા કર્મચારીઓ સાથે સંવાદ કર્યો

પ્રધાનમંત્રી નરેન્દ્ર મોદીએ ,આજે વીડિયો કોન્ફરસિંગ દ્વારા, વારાણસીમાં કોવિડ વેક્સિન લીધેલા લાભાર્થીઓ તેમજ  રસીકરણના કામ સાથે જોડાયેલા કર્મચારીઓ સાથે સંવાદ સાધ્યો હતો.  પ્રધાનમંત્રી મોદીએ આ દરમિયાન જણાવ્યું હતું કે વર્ષ 2021ની શરૂઆત ઘણા શુભ સંકલ્પો સાથે થઈ છે.  અને કહેવાય છે કે કાશીમાં કરેલા શુભ સંકલ્પ સિદ્ધિમાં બદલાય છે તેથી જ આપણને વિશ્વનું સૌથી મોટું રસીકરણ અભિયાન વ્યાપક પણે શરૂ કરવાની સિદ્ધી પ્રાપ્ત થઈ છે. તેમણે ઉમેર્યું હતું કે ગત છ વર્ષમાં વારાણસીતેમજ તેના આસ-પાસના વિસ્તારમાં મેડિકલ સુવિધાઓ સાથેનું આગવું મેડિકલ ઇન્ફ્રાસ્ટકચર વિકસ્યું છે તેના કારણે પણ આ વિસ્તારોમાં કોવિડની મહામારી સામે લડવામાં ઘણી મદદ મળી હતી.