SRP ગ્રૂપ-3ના જવાનોનો દીક્ષાંત સમારોહ, જવાનોની કામગીરીને બિરદાવતા કલેક્ટર

મડાણા ખાતે સ્ટેટ રિઝર્વ પોલીસ- એસઆરપી ગ્રૂપ -3 ના 243 -જવાનોની પાસિંગ આઉટ પરેડ અને દીક્ષાંત સમારોહ જીલ્લા કલેક્ટર દિલીપ રાણા અને પોલીસ અધિક્ષકલ નીરજ બડગુજરની ઉપસ્થિતિમાં યોજાઈ ગયો.

બનાસકાંઠા : પરેડના મુખ્ય કમાન્ડન્ટ પ્રવિણસિંહ રાજપૂતના નેતૃત્વમાં આઠ પ્લાટૂન દ્વારા દીક્ષાંત પરેડ યોજાઈ હતી. તેમણે એસઆરપી જવાનોની પરેડનું નિરીક્ષણ કર્યું હતું. કલેક્ટર રાણાએ જવાનોને ગુજરાત અને દેશની નિષ્ઠાપૂર્વક સેવા કરવાની તથા બંધારણ પ્રત્યે સાચી શ્રદ્ધા સાથે કર્તવ્યનિષ્ઠા સાથે ફરજ બજાવવાના શપથ લેવડાવ્યા હતા. આ જવાનોને ગ્રૂપ-3ના ઈન્ચાર્જ બી એમ ચૌધરીના નેતૃત્વ અને માર્ગદર્શન હેઠળ નવ મહિના સુધી તાલીમ અપાઈ હતી. આ પ્રસંગે તાલીમ દરમિયાન વિવિધ સ્પર્ધાઓમાં શ્રેષ્ઠ પ્રદાન કરનાર જવાનોનું ટ્રોફી એનાયત કરીને સન્માન કરાયું હતું.