કોરોનાના નવા વેરિયન્ટના કેસમાં સતત વધારો, કેરળમાં 628 નવા કેસ નોંધાયા

કોવિડ 19 વેરિયન્ટના નવા પ્રકાર JN.1 ના કેસો વિવિધ રાજ્યોમાં વધી રહ્યા છે. કેન્દ્રીય સ્વાસ્થ્ય મંત્રાલયની તાજેતરની માહિતી અનુસાર, છેલ્લા 24 કલાકમાં કોરોનાના 628 નવા કેસ નોંધાયા છે. અત્યાર સુધીમાં, કોરોનાના નવા પ્રકારોના કુલ 63 કેસ નોંધાયા છે અને તેની સાથે સક્રિય કેસોમાં પણ વધારો થયો છે.

સ્વાસ્થ્ય મંત્રાલયના સૂત્રોના જણાવ્યા અનુસાર દેશમાં 24 ડિસેમ્બર સુધી કોરોનાના JN.1 વેરિઅન્ટના કુલ 63 કેસ નોંધાયા છે. સૌથી વધુ 34 કેસ ગોવામાં, 9 મહારાષ્ટ્ર, 8 કર્ણાટક, 6 કેરળ, 4 તમિલનાડુ અને 2 તેલંગાણામાંથી મળી આવ્યા છે. કેરળમાં છેલ્લા 24 કલાકમાં 128 નવા કોવિડ -19 કેસ નોંધાયા છે અને એક મૃત્યુ થયું છે. આરોગ્ય મંત્રાલયની વેબસાઇટ અનુસાર, રાજ્યમાં સક્રિય કેસ વધીને 3,128 થઈ ગયા છે.

JN.1 ના ડર વચ્ચે, મહારાષ્ટ્રમાં 50 નવા કોરોના કેસ નોંધાયા હતા, જેમાંથી JN.1 વેરિઅન્ટના નવ કેસ નોંધાયા હતા, જેનાથી રાજ્યમાં નવા વેરિઅન્ટના કુલ કેસની સંખ્યા 10 થઈ ગઈ હતી. આ 10 કેસમાંથી પાંચ થાણેમાં, બે પુણેમાં અને એક-એક સિંધુદુર્ગ, અકોલા અને પુણે ગ્રામીણ જિલ્લામાં છે. 

કોરોનાના વધતા કેસોની વચ્ચે, નીતિ આયોગના સભ્ય ડૉ. વી.કે. પૉલે ગયા અઠવાડિયે કહ્યું હતું કે ભારતમાં વૈજ્ઞાનિક સમુદાય નવા કોવિડ સબ-વેરિઅન્ટની નજીકથી તપાસ કરી રહ્યો છે અને રાજ્યોએ પરીક્ષણ વધારવાની અને તેમની સર્વેલન્સ સિસ્ટમને મજબૂત કરવાની જરૂર છે. તેમણે કહ્યું કે દેશમાં કેસોની સંખ્યા વધી રહી છે અને JN.1 સબ-વેરિયન્ટ મળી આવ્યો હોવા છતાં, અત્યારે ચિંતાનું કોઈ કારણ નથી. પોલે કહ્યું કે 92 ટકા લોકો ઘરે સ્વસ્થ થઈ રહ્યા છે.