રાજ્યમાં પલ્સ પોલિયો રવિવાર, CM રૂપાણીએ કરાવ્યો પ્રારંભ

રાજ્યભરમાં પાંચ વર્ષ સુધીના બાળકોને પોલિયોની રસીના બે ટીપા પીવડાવવાનું આયોજન કરાયું છે. ગાંધીનગરમાં મુખ્યમંત્રી વિજય રૂપાણીએ કરાવ્યો પોલિયો રવિવારનો પ્રારંભ કરાવ્યો.

પલ્સ પોલિયો રવિવારને લઇને રાજ્યભરમાં ઠેરઠેર બુથ ઊભા કરીને પાંચ વર્ષ સુધીના બાળકોને પોલિયોની રસીના બે ટીપા પીવડાવવામાં આવ્યા હતા. ગાંધીનગરમાં મુખ્યમંત્રી વિજય રૂપાણી અને આરોગ્ય રાજ્યમંત્રી કિશોરભાઈ કાનાણીએ પાંચ વર્ષની નીચેની વયના બાળકોને પોલિયોની રસીના બે ટીપા પીવડાવીને તેનો આરંભ કરાવ્યો હતો. મુખ્યમંત્રીએ જણાવ્યું હતું કે, આગામી 19મી માર્ચથી સઘન મિશન ઇન્દ્રધનુષ્ય યોજના હેઠળ બાળકોનું જુદા જુદા રોગો સામે રક્ષણ માટે રસીકરણ કરાવામાં આવશે.

અંકિત ચૌહાણ, ડિજિટલ ન્યૂઝ રૂમ, ડીડી ન્યૂઝ ગુજરાતી