ઈરાનનો સામનો કરવા અમેરિકા કરી રહ્યુ છે ગઠબંધનની રચના-પોમ્પીઓ

અમેરિકા આ બાબતનું શાંતિપૂર્ણ સમાધાન ઇચ્છે છે-માઈક પોપ્પીઓ

અમેરિકાના વિદેશ મંત્રી માઇક પોમ્પીઓએ જણાવ્યું કે અમેરિકા સાઉદી આરબના ઓઇલ પ્લાન્ટ પર થયેલા હુમલા બાદ ઇરાનનો સામનો કરવા માટે એક ગઠબંધનની રચના કરી રહ્યું છે. પરંતુ અમેરિકા આ બાબતનું શાંતિપૂર્ણ સમાધાન ઇચ્છે છે. અબુધાબીના ક્રાઉન પ્રીન્સ શેખ મહોમ્મદ બિન્ઝાયદ અને આ અગાઉ અરબના ક્રાઉનપ્રીન્સ મહોમ્મદ બિન સલમાનની મુલાકાત બાદ મિડિયાની વાતચીત દરમિયાન માઇક પોન્પીઓએ જણાવ્યું હતું કે આ હુમલાના પાછળ ઇરાનનો હાથ છે. તેમણે પુષ્ટી કરી હતી કે આ હુમલા બાદ ઇરાન પર વધુ આકરા આર્થિક પ્રતિબંધો લાદવામાં આવશે. જોકે ઇરાને આ હુમલાને વખોડ્યું છે. અને તેમા તેનો કોઇ હાથ નથી તેવું જણાવ્યું છે. તથા અમેરિકાનો કોઇપણ પ્રકારના સંઘર્ષમાં ના ઉતરવાની ચેતાવણી આપી છે.