એડલ્ટ ફિલ્મ સ્ટાર સ્ટોર્મી ડેનિયલ્સને પૈસા ચૂકવવાના કેસમાં ડોનાલ્ડ ટ્રમ્પની મુશ્કેલીઓમાં વધારો

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની મુશ્કેલીઓ સતત વધી રહી છે. એડલ્ટ ફિલ્મ સ્ટાર સ્ટોર્મી ડેનિયલ્સને પૈસા ચૂકવવાના છે જેને લઈને તેમની પર કેસ ચાલશે. ડોનાલ્ડ ટ્રમ્પ દ્વારા એડલ્ટ ફિલ્મ સ્ટાર સ્ટોર્મી ડેનિયલ્સને ચૂકવવામાં આવેલા નાણાંની તપાસ કર્યા પછી જ્યુરીએ આરોપી ઠેરવ્યા હતા. ટ્રમ્પ અમેરિકાના ઈતિહાસમાં આ પ્રકારના પહેલા અમેરિકી રાષ્ટ્રપતિ બન્યા છે. જો કે, આરોપો જાહેર કરવામાં આવ્યા નથી. હવે ડોનાલ્ડ ટ્રમ્પે સરેન્ડર પણ કરવું પડી શકે છે. જો તેઓ સરેન્ડર નહીં કરે તો તેમની ધરપકડ કરવામાં આવી શકે છે.

ઉલ્લેખનીય છે કે, આ કેસમાં હવે તેમની સામે કાર્યવાહી કરવામાં આવશે. આ મામલામાં પૂર્વ અમેરિકી રાષ્ટ્રપતિ ટ્રમ્પે તેમના પર લાગેલા આરોપોને રાજકીય ઉત્પીડન અને ચૂંટણીમાં હસ્તક્ષેપ ગણાવ્યા છે. ટ્રમ્પે કહ્યું કે, વર્તમાન રાષ્ટ્રપતિ જો બાઈડેન પર તેની અસર પડશે. જ્યુરીએ ટ્રમ્પ પર એક એડલ્ટ ફિલ્મને ગુપ્ત રીતે ચૂકવણી કરવા બદલ આરોપી ઠેરવ્યા હતા. મળતી માહિતી મુજબ આગામી દિવસોમાં આરોપ જાહેર થઈ શકે છે. 

એડલ્ટ ફિલ્મ સ્ટાર સ્ટોર્મી ડેનિયલ્સનાં વકીલે જણાવ્યું હતું કે, પૂર્વ રાષ્ટ્રપતિ ડોનાલ્ડ ટ્રમ્પ પર મહાભિયોગ ચલાવવો એ દર્શાવે છે કે, કોઈ પણ કાયદાથી ઉપર નથી. વકીલ ક્લાર્ક બ્રુસ્ટરે ટ્વિટ કર્યું કે કોઈ પણ કાયદાથી ઉપર નથી. તેમણે લખ્યું, "હવે સત્ય અને ન્યાયનો વિજય થવા દો." તો આ તરફ ટ્રમ્પે જણાવ્યું કે, ઉચ્ચ સ્તરે રાજકીય ઉત્પીડન અને ચૂંટણીમાં હસ્તક્ષેપ છે. તેમણે કહ્યું કે અમેરિકી રાષ્ટ્રપતિ બાઈડેન શપથ લેતા પહેલા જ આ દેશના મહેનતુ પુરુષો અને મહિલાઓના દુશ્મન છે. આ સાથે ટ્રમ્પે બદલો લેવાનું વચન આપ્યું હતું. ટ્રમ્પે કહ્યું કે બાઈડેન 2024ની ચૂંટણીમાં વ્હાઇટ હાઉસમાં પાછા ફરવાનું કાવતરું ઘડી રહ્યા છે.