પ્રધાનમંત્રી મોદીએ બ્રિટનના પીએમ થેરેસા મે સાથી કરી મુલાકાત

પ્રધાનમંત્રી મોદી ત્રણ દેશોની યાત્રાના બીજા ચરણમાં લંડન પહોંચ્યા હતા. બ્રિટનના પ્રધાનમંત્રી થેરેસા મેની સાથે દ્રિપક્ષિય મુલાકાત કરી હતી. લંડનમાં રાષ્ટ્રમંડળ દેશોના નેતાઓની શિખર બેઠકમાં પીએમ સામેલ થવાના છે.

પોતાની વિદેશ યાત્રાના બીજા ચરણમાં પ્રધાનમંત્રી નરેન્દ્ર્ મોદી લંડન પહોંચ્યા હતા. એરપોર્ટ પર વિદેશ મંત્રી બોરિસ જોનસેને પીએમનું સ્વાગત કર્યું હતું. એરપોર્ટ પર ઉતર્યા બાદ બ્રિટનના વિદેશ મંત્રીએ પીએમ સાથે ઔપચારિક મુલાકાત કરી હતી. મુલાકાત દરમિયાન બંન્ને નેતાઓ વચ્ચે દ્વિપક્ષીય વાતચીત થઈ હતી. 

પ્રધાનમંત્રી મોદીએ બ્રિટનના પ્રધાનમંત્રી થેરેસા મે સાથે 10 ડાઉનિંગ સ્ટ્રીટ પર મુલાકાત કરી હતી. બંન્ને નેતાઓ વચ્ચે દ્રિપક્ષીય મુદ્દા સહિત ક્ષેત્રિત અને આંતરરાષ્ટ્રીય મુદ્દાઓ પર ચર્ચા થઈ હતી.