યુ.એસ. ફેડરલ રિઝર્વે ફુગાવાને કાબૂમાં લેવા વ્યાજ દરમાં 25 બેસિસ પોઇન્ટનો વધારો કર્યો

યુ.એસ. ફેડરલ રિઝર્વે બેન્કિંગમાં કટોકટી વચ્ચે ફુગાવાને કાબૂમાં લેવા યુએસ ફેડરલ રિઝર્વે વ્યાજ દરમાં 25 બેસિસ પોઈન્ટનો વધારો કર્યો.

ફેડએ વ્યાજ દર વધારીને 4.75-5 ટકા કર્યો છે. એવું માનવામાં આવે છે કે વર્ષ 2023માં ફેડ દ્વારા વ્યાજ દરમાં વધુ એક વખત વધારો કરવામાં આવશે. આ વર્ષે તેમાં ઘટાડો થવાની કોઈ શક્યતા નથી.

વિશ્વની મોટી સેન્ટ્રલ બેંકો મોનેટરી પોલિસીની બેઠકમાં વ્યાજદરમાં વધારો કરી રહી છે. તેથી હવે એવું માનવામાં આવે છે કે આ RBI પોલિસી રેટમાં પણ ફેરફાર કરી શકે છે. આરબીઆઈની નાણાકીય નીતિની બેઠક 3 થી 6 એપ્રિલ 2023 દરમિયાન યોજાવા જઈ રહી છે. 6 એપ્રિલે RBI ગવર્નર શક્તિકાંત દાસ મોનેટરી પોલિસી કમિટીના નિર્ણયોની જાહેરાત કરશે. જેમાં માનવામાં આવી રહ્યું છે કે RBI રેપો રેટ વધારી શકે છે.