વિદેશ મંત્રી જયશંકર 3 થી 8 નવેમ્બર સુધી ઓસ્ટ્રેલિયા અને સિંગાપોરના પ્રવાસે હશે

ભારતીય વિદેશ મંત્રી ડૉ. એસ. જયશંકર મહત્વપૂર્ણ બેઠકો અને દ્વિપક્ષીય વાટાઘાટો માટે 3 થી 8 નવેમ્બર દરમિયાન ઓસ્ટ્રેલિયા અને સિંગાપોરની મુલાકાત લેશે.

વિદેશ મંત્રી કેનબેરામાં ઓસ્ટ્રેલિયાના વિદેશ મંત્રી પેની વોંગ સાથે 15મા ફોરેન મિનિસ્ટર્સ ફ્રેમવર્ક ડાયલોગ (FMFD)ની સહ-અધ્યક્ષતા પણ કરશે. તેઓ ઓસ્ટ્રેલિયન સંસદ ભવનમાં યોજાનાર બીજા રાયસિના ડાઉન અન્ડરના ઉદ્ઘાટન સત્રમાં મુખ્ય વક્તવ્ય આપશે. વિદેશ મંત્રાલયે એક નિવેદન જાહેર કરીને કહ્યું કે આ મુલાકાત દરમિયાન વિદેશ મંત્રી જયશંકર બ્રિસબેનની મુલાકાત લેશે અને ઓસ્ટ્રેલિયામાં ભારતના ચોથા કોન્સ્યુલેટનું ઉદ્ઘાટન કરશે. વિદેશ મંત્રી કેનબેરામાં ઓસ્ટ્રેલિયાના વિદેશ મંત્રી પેની વોંગ સાથે 15મા ફોરેન મિનિસ્ટર્સ ફ્રેમવર્ક ડાયલોગ (FMFD)ની સહ-અધ્યક્ષતા પણ કરશે. તેઓ ઓસ્ટ્રેલિયન સંસદ ભવનમાં યોજાનાર બીજા રાયસિના ડાઉન અન્ડરના ઉદ્ઘાટન સત્રમાં મુખ્ય વક્તવ્ય આપશે. વિદેશ મંત્રી ઓસ્ટ્રેલિયન નેતૃત્વ, સંસદસભ્યો, ભારતીય ડાયસ્પોરાના સભ્યો, વેપારી સમુદાય, મીડિયા અને થિંક ટેન્ક સાથે પણ વાતચીત કરવાના છે.

મુલાકાતના બીજા તબક્કામાં, વિદેશ મંત્રી સત્તાવાર મુલાકાત માટે 8 નવેમ્બરે સિંગાપોરની મુલાકાત લેશે, જે દરમિયાન તેઓ ASEAN-ભારત થિંક ટેન્ક નેટવર્કના 8મા રાઉન્ડ ટેબલને સંબોધિત કરશે. બંને દેશો વચ્ચેની ગાઢ ભાગીદારીની સમીક્ષા કરવા અને દ્વિપક્ષીય સંબંધોને આગળ વધારવાની તકો શોધવા માટે તેઓ સિંગાપોરના નેતૃત્વને પણ મળશે.