વ્હાઇટ હાઉસનો દાવો: ઈરાન સાથે સમાધાનમાં હજુ ઘણાં દિવસો લાગી શકે

અમેરિકા અને ઈરાન વચ્ચે ચાલી રહેલી ધીમી પણ મજબૂત વાટાઘાટો હવે અંતિમ તબક્કામાં પહોંચી હોવાના સંકેતો મળી રહ્યા છે. જોકે, વ્હાઇટ હાઉસનું માનવું છે કે ઈરાનના ટોચના નેતૃત્વ દ્વારા આ કરારને સત્તાવાર મંજૂરી આપવામાં હજી પણ થોડા દિવસોનો સમય લાગી શકે છે. અમેરિકી મીડિયા સંસ્થા 'એક્સિઓસ' (Axios) ના અહેવાલ અનુસાર, વરિષ્ઠ અમેરિકી અધિકારીઓ આગામી દિવસોમાં ડીલ સાઈન થવા અંગે આશાવાદી ચોક્કસ છે, પરંતુ સાથે જ તેમણે સ્વીકાર્યું છે કે કરાર હજી આખરી ઓપ પર ન હોવાથી ગમે ત્યારે બાજી પલટી પણ શકે છે.

અમેરિકા અને ઈરાન વચ્ચે ચાલી રહેલી ધીમી પણ મજબૂત વાટાઘાટો હવે અંતિમ તબક્કામાં પહોંચી હોવાના સંકેતો મળી રહ્યા છે. જોકે, વ્હાઇટ હાઉસનું માનવું છે કે ઈરાનના ટોચના નેતૃત્વ દ્વારા આ કરારને સત્તાવાર મંજૂરી આપવામાં હજી પણ થોડા દિવસોનો સમય લાગી શકે છે. અમેરિકી મીડિયા સંસ્થા 'એક્સિઓસ' (Axios) ના અહેવાલ અનુસાર, વરિષ્ઠ અમેરિકી અધિકારીઓ આગામી દિવસોમાં ડીલ સાઈન થવા અંગે આશાવાદી ચોક્કસ છે, પરંતુ સાથે જ તેમણે સ્વીકાર્યું છે કે કરાર હજી આખરી ઓપ પર ન હોવાથી ગમે ત્યારે બાજી પલટી પણ શકે છે.

'કોઈ ઉતાવળની જરૂર નથી': પ્રમુખ ડોનાલ્ડ ટ્રમ્પ
આ અહેવાલો વચ્ચે અમેરિકી પ્રમુખ ડોનાલ્ડ ટ્રમ્પે સોશિયલ મીડિયા પ્લેટફોર્મ 'ટ્રુથ સોશિયલ' (Truth Social) પર સ્પષ્ટ કર્યું છે કે તેમણે પોતાના પ્રતિનિધિઓને ઈરાન સાથે ડીલ કરવા માટે કોઈ પણ પ્રકારની ઉતાવળ ન કરવાની સૂચના આપી છે. ટ્રમ્પે લખ્યું: "બંને પક્ષોએ પૂરતો સમય લેવો જોઈએ અને યોગ્ય નિર્ણય પર પહોંચવું જોઈએ, કારણ કે સમય આપણી સાથે છે." તેમણે વધુમાં કડક ચેતવણી આપતા જણાવ્યું હતું કે, જ્યાં સુધી આ કરાર અંતિમ ચરણમાં પહોંચીને સાઈન ન થઈ જાય, ત્યાં સુધી ઈરાનના બંદરો પર અમેરિકા દ્વારા લાદવામાં આવેલી આર્થિક અને સૈન્ય નાકેબંધી (Blockade) સંપૂર્ણપણે યથાવત રહેશે.

ઓબામાનો કરાર સૌથી ખરાબ:
પ્રમુખ ટ્રમ્પે આ વાટાઘાટોનો બચાવ કરવાની સાથે ભૂતકાળની બરાક ઓબામા સરકારની વિદેશ નીતિ પર તીખા પ્રહારો કર્યા હતા. તેમણે ૨૦૧૫ના ઈરાન પરમાણુ કરારને અમેરિકાના ઇતિહાસની "સૌથી ખરાબ ડીલ" ગણાવી હતી. ટ્રમ્પના મતે, ઓબામા સમયનો એ કરાર ઈરાનને પરમાણુ હથિયાર બનાવવા તરફ સીધો દોરી જતો હતો. તેની સરખામણીએ વર્તમાન ટ્રમ્પ વહીવટીતંત્ર દ્વારા જે વાટાઘાટો ચાલી રહી છે, તે ઈરાનને કોઈ પણ સંજોગોમાં પરમાણુ હથિયાર મેળવતા સંપૂર્ણપણે રોકશે.

મધ્ય-પૂર્વના દેશો સાથે સમજૂતી શક્ય: 
આ વાટાઘાટો માત્ર અમેરિકા-ઈરાન પૂરતી સીમિત નથી, પરંતુ તે એક વ્યાપક પ્રાદેશિક શાંતિ મિશનનો ભાગ છે. પ્રમુખ ટ્રમ્પે જાહેરાત કરી છે કે ઈરાન ઉપરાંત સાઉદી અરેબિયા, સંયુક્ત આરબ અમીરાત (UAE), કતાર, પાકિસ્તાન, તુર્કી, ઇજિપ્ત, જોર્ડન અને બહેરીન જેવા મધ્ય-પૂર્વ અને એશિયાના અગ્રણી દેશોના નેતાઓ સાથે ફોન પર વાતચીત થઈ છે અને એક મોટી પ્રાદેશિક સમજૂતી ટૂંક સમયમાં જ ફાઇનલ થઈ શકે છે. જોકે, આ સંભવિત ડીલ લાંબા ગાળાના શાંતિ કરારમાં પરિણમશે કે કેમ અને તે અમેરિકાની પરમાણુ માંગણીઓને સંતોષશે કે નહીં, તે અંગે હજી પણ અનિશ્ચિતતા પ્રવર્તે છે.