સાઉદી અરબના તેલમથકો પર હુમલા માટે અમેરિકાએ ઈરાનને જવાબદાર ઠેરવ્યુ

વિશ્વની સૌથી મોટી તેલકંપની અરામકોના બે તેલમથકો પર કરાયો હતો હુમલો

દુનિયાની સૌથી મોટી તેલ ઉત્પાદક કંપની અરામકોના બે પ્રતિષ્ઠાનોમાં શનિવારે ડ્રોનથી બે ધડાકા કરવામાં આવ્યા હતા. અબકૈક અને ખુરૈસમાં આ કંપનીના ઓઇલફિલ્ડ છે ત્યાં આ ધડાકા થયા હતા. સાઉદી અરબના ગૃહ મંત્રાલયે આ ઘટનાની જાણકારી આપી હતી. અત્યાર સુધી સરકાર અને અરામકો તરફથી આ ઘટનાને લઇને કોઇ નિવેદન નથી આવ્યું. ધડાકાથી લાગેલી આગ પર કાબૂ મેળવી લેવાયો છે.અરામકો પાસે વિશ્વનો સૌથી મોટો ક્રૂડ ઓઇલ પ્રોસેસિંગ પ્લાન્ટ છે. અહીં ખરાબ ક્રૂડને પણ સ્વીટ ક્રૂડમાં બદલવામાં આવે છે. ત્યારબાદ ક્રૂડને વિદેશમાં નિકાસ કરવા માટે મોકલવામાં આવે છે. એક અનુમાન પ્રમાણે અરામકો એક દિવસમાં 70 લાખ બેરલ ક્રૂડ પ્રોસેસ કરે છે.

યુએસના વિદેશ મંત્રી માઇક પોમ્પોએ સાઉદી અરેબિયાના તેલ પાયામાં ડ્રોન હુમલા માટે ઈરાનને દોષી ઠેરવ્યાં છે, જ્યારે ઈરાને અમેરિકાનો દાવો ફગાવી દીધો છે.સાઉદી અરેબિયાના તેલમથકો પર હુમલો કર્યા પછી અમેરિકા અને ઈરાન ફરી એકવાર સામ-સામે આવ્યા છે, જેના કારણે અખાત ક્ષેત્રમાં તણાવ વધુ ગાઢ બન્યો છે. યુએસના વિદેશ મંત્રી માઇક પોમ્પોએ સાઉદી અરેબિયાના તેલમથકમાં ડ્રોન હુમલા માટે ઈરાનને દોષી ઠેરવ્યાં છે, જ્યારે ઈરાને અમેરિકાનો દાવો ફગાવી દીધો છે.યુએસના વિદેશ મંત્રી પોમ્પિયોએ ટ્વિટ કર્યું હતું કે સાઉદી અરેબિયા પર થયેલા કેટલાક 100 હુમલા પાછળ ઈરાનનો હાથ છે, જ્યારે ઈરાનના રાષ્ટ્રપતિ હસન રુહાની અને વિદેશ પ્રધાન મોહમ્મદ જાવદ ઝરીફ મુત્સદ્દીગીરીમાં સામેલ હોવાનો ઢોંગ કરે છે. ઈરાનના વિદેશ મંત્રાલયના પ્રવક્તા અબ્બાસ મૌસાવીએ કહ્યું કે અમેરિકાએ પાયાવિહોણા આરોપો લગાવ્યા છે. આ સાથે ઈરાનના વિદેશ પ્રધાન જાવદ ઝરીફે અમેરિકા પર જોરદાર કાર્યવાહી કરી છે. તેમણે ટ્વિટ કર્યું કે યુ.એસ. ઈરાન પર મહત્તમ દબાણ લાવવામાં નિષ્ફળ ગયું.