અમદાવાદ ખાતે દૂરદર્શન અને યુનિસેફના સહયોગથી પોષણ અને જીવન કૌશલ્ય મીડિયા કાર્યશાળાનું આયોજન કરાયું

અમદાવાદ ખાતે દૂરદર્શન અને યુનિસેફના સહયોગથી, પોષણ અને જીવન કૌશલ્ય મીડિયા કાર્યશાળાનું આયોજન કરવામાં આવ્યું હતું. આ કાર્યશાળામાં દૂરદર્શનના જિલ્લા પ્રતિનિધિઓએ ભાગ લીધો હતો. મીડિયાના સહયોગથી સમાજમાં 'પોષણ અને જીવન કૌશલ્ય" બાબતે જાગૃતિ આવે તે હેતુ સાથે આ કાર્યશાળાનું આયોજન કરવામાં આવ્યું હતું. 

આ કાર્યશાળામાં દૂરદર્શનના સમાચાર નિયામક ધર્મેન્દ્ર તિવારી, સમાચાર સંપાદક નિશિત જોષી સહિત દૂરદર્શનના અધિકારીઓ અને ન્યૂઝ સ્ટીંગર્સ ઉપસ્થિત રહ્યા હતા, જ્યારે નાયબ નિયામક ઉત્સવ પરમાર વર્ચ્યુઅલ માધ્યમથી આ કાર્યશાળામાં જોડાયા હતા. આ કાર્યક્રમમાં પોષણ શાસ્ત્રીઓ, યુનિસેફના પદાધિકારીઓ સહિત મીડિયા સાથે જોડાયેલા તજજ્ઞોએ પોષણ ઉપરાંત, સોશિયલ મીડિયા અંગે પણ વિસ્તૃત માહિતી આપી હતી.