લોકસભામાં આજે રજૂ કરાયેલા બે વિધેયકો મંજૂર

વિપક્ષના હોબાળા વચ્ચે લોકસભામાં આજે રજૂ થયેલા બે વિધેયકને મંજૂરી મળી ગઇ હતી. લોકસભામાં આજે ચર્ચાને અંતે દિલ્હી કાયદો વિશેષ જોગવાઈ દ્વિતીય સુધારા વિધેયક 2023 પસાર થયું હતું. આ ઉપરાંત, સીજીએસટી દ્વિતીય (સુધારા) વિધેયક 2023 પણ લોકસભામાં પસાર થયું હતું. વિધેયકમાં ઝુંપડીઓમાં બહેતર સુવિધા આપવાની સાથોસાથ અનિયમિત કોલોનીઓને નિયમિત કરવાની પણ જોગવાઇ છે. આ વિધેયક રાજ્યસભામાં પણ પસાર થયું હતું.

આ ઉપરાંત લોકસભામાં ભારતીય ન્યાય સંહિતા દ્વિતીય સુધારા 2023 ભારતીય નાગરિક સુરક્ષા સંહિતા દ્વિતીય સુધારા-2023 તેમજ ભારતીય સાક્ષ્ય, દ્વિતીય સુધારા વિધેયક 2023 પર લોકસભામાં ચર્ચા ચાલી રહી છે. કેન્દ્રીય ગૃહ મંત્રી અમિત શાહે આ વિધેયક ચર્ચા કરીને પસાર કરવા રજૂ કર્યા હતા. નાણા મંત્રી નિર્મલા સીતારામને કેન્દ્રીય માલ અને સેવા કર દ્વિતીય સુધારા વિધેયક 2023 તેમજ કરનું કામ ચલાઉ સંગ્રહ વિધેયક-2023 ચર્ચા કરીને પસાર કરાવવા દરખાસ્ત મુકી હતી. રાજ્યસભામાં આજે કેન્દ્રીય નાણા મંત્રી નિર્મલા સીતારામને વિનિયોગ વિધેયક ક્રમ 3-2023 અને વિનિયોગ વિધેયક ક્રમ 4-2023 ને ચર્ચા બાદ પરત લોકસભામાં મોકલવાનો પ્રસ્તાવ પણ મૂક્યો હતો