અમિત શાહ બે દિવસના કર્ણાટકના પ્રવાસે

કર્ણાટકમાં રાજતીય ગરમી વચ્ચે બે દિવસના રાજ્યના પ્રવાસે પહોંચેલા ભાજપના અધ્યક્ષ અમિત શાહે પ્રવાસની શરૂઆત ભગવાન બસાવેશ્વરાની જયંતિમાં સામેલ થઈને કરી હતી. એક રેલીને સંબોધિત કરતા અમિત શાહે ભગવા આતંકવાદના મુદ્દા પર કોંગ્રેસ પર પ્રહાર કર્યા હતા.

12મી સદીના મહાન વિચારક અને સમાજ સુધારક બસાવેશ્વરાની મૂર્તિ પર અમિત શાહે પુષ્પાંજલિ અર્પિત કરી. ભાજપ અધ્યક્ષની સાથે બી.એસ યેદિયૂરપ્પા અને અનંત કુમાર હાજર હતા. ત્યારબાદ એમિત શાહે એક રેલીને સંબોધિત કરતા ભગવા આતંકવાદને લઈને કોંગ્રેસને ઘેર્યું હતું. અમિત શાહે કહ્યું કે ભગવા આતંકવાદના નામ પર કોંગ્રેસે દેશને બદનામ કર્યો છે. રાહુલ ગાંધીએ આ મુદ્દે દેશની માફી માંગવી જોઈએ.