આજે ઉજવાઈ રહ્યો છે આંતરરાષ્ટ્રીય ફાયર ફાઈટર દિવસ, જાણો શું છે તેનું મહત્વ

999માં પ્રથમ વખત આંતરરાષ્ટ્રીય અગ્નિશામક દિવસની ઉજવણી કરવામાં આવી હતી

દુનિયામાં દરેક દિવસનું પોતાનું મહત્વ છે. કોઈને કોઈ ખાસ દિવસે ઉજવવામાં આવે છે. તેની પાછળ તે દિવસનો કોઈ ને કોઈ ઈતિહાસ છે. આજે 4 મે છે અને આજે ફાયર ફાઈટર ડે એટલે કે ઈન્ટરનેશનલ ફાયર ફાઈટીંગ ડે સમગ્ર વિશ્વમાં ઉજવાઈ રહ્યો છે. આ દિવસ અગ્નિશામકો માટે ઉજવવામાં આવે છે. તો ચાલો જાણીએ કે આ દિવસ શા માટે ઉજવવામાં આવે છે અને આ દિવસ ક્યારથી શરૂ થયો છે.

જાણો આ દિવસ શા માટે ઉજવવામાં આવે છે

1999માં પ્રથમ વખત આંતરરાષ્ટ્રીય અગ્નિશામક દિવસની ઉજવણી કરવામાં આવી હતી. તે સમયે ઓસ્ટ્રેલિયાના વિક્ટોરિયા સ્થિત લિંટનની ઝાડીઓમાં આગ લાગી હતી. આગ બુઝાવવા માટે એક ટીમ ત્યાં પહોંચી હતી. પરંતુ તે સમયે પવન ઉલટી દિશામાં ફૂંકાયો હતો, જેના કારણે ટીમના પાંચ સભ્યો આગમાં દાઝી ગયા હતા, જેના કારણે તેઓના પણ મોત થયા હતા.

હવામાન વિભાગ તરફથી વિપરીત દિશામાં પવન ફૂંકાવાની કોઈ આગાહી કરવામાં આવી ન હતી, પરંતુ પવનની દિશા અચાનક બદલાઈ જવાના કારણે 5 ફાયર ફાઈટરો આગની ઝપેટમાં આવી ગયા હતા. દર વર્ષે, આ 5 અગ્નિશામકોના સન્માનમાં 4 મેના રોજ આંતરરાષ્ટ્રીય અગ્નિશામક દિવસ ઉજવવામાં આવે છે.

ભારતમાં અલગ દિવસે ઉજવવામાં આવે છે

તમને જાણીને નવાઈ લાગશે કે ભારતમાં 14મી એપ્રિલે ફાયર ફાઈટર સર્વિસ ડે ઉજવવામાં આવે છે. 1944માં કાર્ગો જહાજ ફોરસ્ટીકનમાં આગ લાગવાને કારણે 66 સૈનિકોના મોત થયા હતા. આ ઘટના બાદ આ સૈનિકોના સન્માનમાં ભારતમાં દર વર્ષે 14 એપ્રિલે ફાયર ફાઈટર સર્વિસ ડે ઉજવવામાં આવે છે.