આજે દેશમાં થઈ રહેલી નેશનલ વેક્સિનેસન ડેની ઉજવણી

ગુજરાત સહિત દેશભરમાં કોરોના મહામારીને નાથવા માટે વેક્સિનેસન અભિયાન હાથ ધરાયું છે ત્યારે આજે દેશમાં નેશનલ વેક્સિનેસન ડેની ઉજવણી કરવામાં આવી રહી છે.  16 માર્ચ 1995ના રોજ પ્રથમ વખત આ દિવસની ઉજવણી કરવામાં આવી હતી. જેમાં ભારતમાં પ્રથમ વખત 1995ની સાલમાં બાળકોને મોઢા વાટે પોલીયોની રસી પ્રથમ વખત આપવામાં આવી હતી અને ભારતમાં પોલીયોને જડ-મૂડથી નાથવાના અભિયાનની ભારત સરકાર દ્વારા શરૂઆત આજના દિવસથી કરવામાં આવી હતી. જો કે, ત્યારબાદ 2014માં ભારતને પોલીયો મુક્ત રાષ્ટ્ર તરીકે જાહેર કરવામાં આવેલ. છેલ્લા કેટલાય દાયકાઓમાં વેક્સિન જ આ બીમારીઓને નાથવા માટે ઉપયોગી બની છે અને લાખો લોકાના જીવ પણ બચાવી શકાયા છે. આ દિવસની ઉજવણીનો હેતુ નાગરિકોમાં વેક્સિનેસન અંગે જાગૃતિ લાવવાનો છે. સાથે જ હાલના સમયમાં કોરોનાની મહામારી સામે પણ ભારતની વેક્સીન અસરકારક સાબિત થઇ રહી છે.