આજે હેમંતા બિશ્વા શર્માએ આસામના મુખ્યમંત્રી પદની શપથ લીધી

આસામમાં સતત બીજી વખત સ્પષ્ટ બહૂમતિ સાથે ભાજપની સરકાર બની છે. ગઈકાલે ભાજપના ધારાસભ્યદળની બેઠક યોજાઈ હતી જેમાં હેમંતા બિસ્વા શર્માને ધારાસભ્યદળના નેતા તરીકે પસંદ કરવામાં આવ્યા હતા. આ કાર્યક્રમમાં  કેન્દ્રિય કૃષિ મંત્રી નરેન્દ્રસિંહ તોમર, તથા અરુણ સિંહ , હાજર રહ્યાં હતા. આ ઉપરાંત, વરિષ્ઠ નેતા, બી એલ સંતોષ, અને વિજયન્તા જય પાંડા પણ ઉપસ્થિત હતા. આ પહેલા વર્તમાન મુખ્યમંત્રી, સર્વાનંદ સોનોવાલે, રાજ્યપાલ જગદીશ મુખીને, રાજીનામું આપ્યું હતું. જલુકબાડી વિધાનસભા ક્ષેત્રથી ચૂંટાયેલ,  હેમંતા બિસ્વા સરમા, 2015માં,  ભારતીય જનતા પાર્ટીમાં જોડાયા હતા. આ પહેલા તેઓ  ભાજપની સર્બાનંદ સોનોવાલ સરકારમાં નાયબ મુખ્યમંત્રી હતા અને તે પહેલા તરુણ ગોગોઇના નેતૃત્વવાળી સરકારમાં , ઘણા મહત્વના પદ પર રહી ચુક્યા છે. આજે હેમંતા બિશ્વા શર્માએ આસામના મુખ્યમંત્રી પદની શપથ લીધી હતી. રાજ્યપાલ જગદીશ મુખીએ હિમંતા બિશ્વા શર્માને શપથ અપાવી હતી. આ શપથ સમારંભમાં ભાજપના પ્રેસીડન્ટ જે.પી.નડ્ડા હાજર રહ્યાં હતાં. કોવિડ મહામારીને ધ્યાનમાં રાખીને ગણ્યાં ગાંઠ્યાં લોકોની હાજરીમાં આ કાર્યક્રમ યોજવામાં આવ્યો હતો, એમાં કોવિડની ગાઇડ લાઇનનું પાલન કરવામાં આવ્યું હતું.