આજે CISFનો સ્થાપના દિવસ, PM ગાઝિયાબાદ સમારોહમાં પહોંચ્યા

પ્રધાનમંત્રીએ સુરક્ષા દળોની પરેડનું નિરિક્ષણ કર્યુ

પ્રધાનમંત્રી નરેન્દ્ર મદી આજે ગાઝિયાબાદમાં CISF ના 50મા સ્થાપના દિવસ નિમિત્તે આયોજીત સમારંભમાં ભાગ લેવા પહોચ્યા છે.. પ્રધાનમંત્રીએ સુરક્ષા દળોની પરેડનું નિરિક્ષણ કર્યુ હતુ...વિશિષ્ટ સેવા બદલ પોલિસ અને અગ્નિશમન ચંદ્રકો એનાયત કર્યા હતા.. પ્રધાનમંત્રીએ પોતાના સંબોધનમાં જણાવ્યુ હતુ કે 50 વર્ષ સીઆઈએસએફે પુરા કર્યા છે તે ખરેખર એક ઉપલબ્ધિ છે.સ્વર્ણ જયંતિની શુભેચ્છા પાઠવતા પ્રધાનમંત્રીએ જણાવ્યુ કે સીઆઈએસએફ સાથે જોડાયેલા તમામ જવાનોએ રાષ્ટ્રીય સંપદાને સુરક્ષિત રાખવામાં મહત્વપૂર્ણ ભૂમિકા નિભાવી છે.દેશની આશાઓ અને આકાંક્ષાઓને સશક્ત કરવા માટે તમે નિરંતર આગળ વધી રહ્યા છો..

આ પ્રસંગે શાનદાર પરેડ રજૂ કરતા પ્રધાનમંત્રીએ અભિભૂત થઈ તમામ જવાનોને અભિનંદન પાઠવ્યા હતા..

પ્રધાનમંત્રી નરેન્દ્ર મોદીએ ગઈકાલે ગ્રેટર નોઈડાની મુલાકાતે હતાં. જ્યાં તેમણે અનેક વિકાસ યોજનાઓ જાહેર જનતા માટે ખુલ્લી મુકી હતી. ગ્રેટર નોઈડા ખાતે પંડિત દિનદયાલ ઉપાધ્યાય પુરાતત્વ સંસ્થાનું ઉદઘાટન પ્રધાનમંત્રીએ કર્યું હતું. આ સાથે કેમ્પસમાં પંડિત દિનદયાળ ઉપાધ્યાયની મૂર્તિનું અનાવરણ કર્યું. ગ્રેટર નોઈડાના રહેવાસીઓને પ્રધાનમંત્રી મેટ્રોની ભેટ આપી હતી. જે સેક્ટર - 62ના ઈલેક્ટ્રોનિકા સિટીથી નોઈડા સીટી સેન્ટર વચ્ચે દોડશે. મેટ્રોનો 6.6 કિલોમીટર લાંબો આ રૂટ દિલ્હી મેટ્રોની બ્લૂ લાઈનનો વિસ્તાર છે. પ્રધાનમંત્રીએ બે પાવર પ્લાન્ટની આધારશિલા પણ મૂકી હતી. જેનાથી ઉત્તરાખંડ, રાજસ્થાન, હિમાચલ પ્રદેશ અને દિલ્હી જેવા રાજ્યોને ફાયદો થશે. ત્યારબાદ પ્રધાનમંત્રીએ જાહેરસભાને બાલકોટ કાર્યવાહી વિશે સવાલ ઉઠાવનારા પર પ્રહારો કરતાં કહ્યું હતું કે, આવા લોકો ભારત નહીં પણ પાકિસ્તાનની સેવા કરી રહ્યા છે