કેન્દ્રની રાજ્યોને બ્લેક ફંગસના નિવારણ-નિયંત્રણ માટેની સમીક્ષા કરવાની સલાહ

બ્લેક ફંગસ તરીકે ઓળખાતા મ્યુકોર્માઇકોસિસના વધતા જતા કેસોને ધ્યાનમાં રાખીને કેન્દ્રીય આરોગ્ય અને કુટુંબ કલ્યાણ મંત્રાલયે તમામ રાજ્યો અને કેન્દ્રશાસિત પ્રદેશોને આ ફંગસ રોગના નિવારણ અને નિયંત્રણ માટે તેમની તૈયારીની સમીક્ષા કરવાની સલાહ આપી છે. કેન્દ્રીય આરોગ્ય સચિવે તમામ રાજ્યો અને કેન્દ્રશાસિત પ્રદેશોના મુખ્ય સચિવો અને પ્રશાસકોને પત્ર લખ્યો છે. પત્રમાં બ્લેક ફંગસ રોગના ફેલાવાને સમાપ્ત કરવા માટે COVID હોસ્પિટલો અને અન્ય આરોગ્ય સુવિધાઓમાં નિવારક પગલાં લેવા તાકીદ કરવામાં આવી છે. કેન્દ્રીય આરોગ્ય મંત્રાલયે હોસ્પિટલ ચેપ નિયંત્રણ સમિતિની સ્થાપના કરવા અને ચેપ નિવારણ અને નિયંત્રણ નોડલ અધિકારીની નિયુક્તિ કરવા જણાવ્યું છે. તેમણે હોસ્પિટલમાં ચેપ નિવારણ નિયંત્રણ કાર્યક્રમ તૈયાર કરવા અને અમલમાં મૂકવા જણાવ્યું છે. મંત્રાલયે સમગ્ર હોસ્પિટલ અને આરોગ્ય સુવિધાઓમાં પ્રમાણભૂત સાવચેતી અપનાવવા વિનંતી કરી છે.
રાજ્યો અને કેન્દ્રશાસિત પ્રદેશોને ખાતરી આપવામાં આવી છે કે કેન્દ્રિય આરોગ્ય અને કુટુંબ કલ્યાણ મંત્રાલય આરોગ્ય સંભાળ સુવિધાઓમાં ચેપ નિવારણ અને નિયંત્રણ માટેની રાષ્ટ્રીય માર્ગદર્શિકાના અમલ માટે તમામ જરૂરી સહાય પૂરી પાડશે.