કેન્દ્રિય ગૃહમંત્રી : જમ્મુ-કાશ્મીરમાં સ્થિતિ સંપૂર્ણ સામાન્ય છે.

જમ્મુ-કાશ્મીરની પરિસ્થિતિ અંગે રાજ્યસભામાં ગૃહમંત્રી અમિત શાહના નિવેદનમાં કહેવામાં આવ્યું કે રાજ્યની પરિસ્થિતિ સંપૂર્ણપણે સામાન્ય છે, કલમ  370 ના હટાવ્યા બાદ સુરક્ષા દળોના ફાયરિંગથી કોઈ નાગરિક માર્યો ગયો નથી, જ્યારે એનઆરસી પર વાત કરતાં કહ્યું કે કોઈ પણ ધર્મના નાગરિકને ડરવાની જરૂર નથી, કોઈની સાથે ભેદભાવ કરવામાં આવશે નહીં.

જમ્મુ-કાશ્મીરની પરિસ્થિતિ અંગે ગૃહમંત્રી અમિત શાહે રાજ્યસભામાં કહ્યું કે કાશ્મીરની હાલત હવે સંપૂર્ણ સામાન્ય છે. તેમણે કહ્યું કે દેશ અને દુનિયામાં અનેક પ્રકારની ગેરસમજો ફેલાવવામાં આવી રહી છે. ગૃહમંત્રીએ કહ્યું કે 5 ઓગસ્ટ પછી પોલીસ ગોળીબારને કારણે એક પણ વ્યક્તિનું મોત નીપજ્યું નથી. જમ્મુ-કાશ્મીરમાં ઇન્ટરનેટ ફરી શરૂ કરવા અંગે ગૃહ પ્રધાન અમિત શાહે કહ્યું હતું કે તેઓ સંમત છે કે ટૂંક સમયમાં ઇન્ટરનેટ શરૂ થવું જોઈએ. તેમણે ઉપલા ગૃહને જણાવ્યું હતું કે ગત વર્ષથી પથ્થરમારોની ઘટનાઓ નીચે આવી છે. બધી શાળાઓ ખુલ્લી છે. પરીક્ષા સારી રીતે થઈ રહી છે. તમામ હોસ્પિટલો અને આરોગ્ય કેન્દ્રો ખુલ્લા છે.

ગૃહમંત્રી અમિત શાહે પણ રાજ્યસભામાં એનએસી પર નિવેદન આપ્યું હતું. તેમણે કહ્યું કે એનઆરએસસી અંગે કોઈ પણ ધર્મના નાગરિકને ડરવાની જરૂર નથી, કોઈની સાથે ભેદભાવ કરવામાં આવશે નહીં.