કેન્દ્રીય મંત્રી ડૉ.હર્ષવર્ધને રાજ્યના મંત્રીઓ, સચિવો અને મંત્રાલયના ઉચ્ચ અધિકારીઓ સાથે યોજી સમીક્ષા બેઠક

કેન્દ્રીય આરોગ્ય મંત્રી ડો. હર્ષવર્ધને દિલ્હીમાં રાજ્ય આરોગ્ય મંત્રી અશ્વિની ચૌબે અને મંત્રાલયના વરિષ્ઠ અધિકારીઓ સહિત રાજ્યોનાં મંત્રીઓ, અને સચિવોની સાથે વીડિયો કોન્ફરન્સના માધ્યમથી એક સમિક્ષા બેઠક યોજી હતી. 

આ બેઠકમાં ડો. હર્ષવર્ધને દેશમાં કોવિડ-19 સામે લડવાના ઉપાયો અને પ્રગતિની સમિક્ષા કરી હતી. ડો. હર્ષવર્ધને જણાવ્યું હતું કે, દુનિયાભરનાં અનેક દેશોની તુલનામાં , ભારતમાં મૃત્યુદર અને રિકવરી દર સારો છે. 

આ ઉપરાંત આરોગ્ય મંત્રી ડો. હર્ષવર્ધને એ પણ આશ્વાસન આપ્યું હતું કે, ચીન સહિત વિદેશોમાંથી ખરીદેલી ખરાબ PPE કીટને પરત કરી દેવામાં આવશે. તેમણે ઉમેર્યું હતું કે, આ PPE કીટ માટે હજી સુધી આ કંપનીઓને ચુકવણી માટે પૈસા અપાયા નથી.