કેબિનેટ બેઠકમાં ભાગેડુ આર્થિક અપરાધ ખરડાને મંજૂરી આપવામાં આવી

નવી દિલ્હી ખાતે યોજાયેલી કેબિનેટ બેઠકમાં ભાગેડુ આર્થિક અપરાધ ખરડાને મંજૂરી આપવામાં આવી છે. મોટા આર્થિક કૌભાંડ મામલે સતર્ક બનેલી કેન્દ્ર સરકાર ચાલુ બજેટ સત્રમાં જ ફ્યુઝિટીવ ઈકોનોમિક ઓફેન્ડર બિલ લાવશે. જેનાં અંતર્ગત 100 કરોડ કે તેથી વધુનું કૌભાંડ આચનાર વ્યક્તિ કોર્ટની અંદર દિવાની દાવો કરવાનો અધિકાર ગુમાવી દેશે તેમજ ગુનાહિત પ્રવૃત્તિથી પ્રાપ્ત સંપત્તિને દેશ - વિદેશમાંથી જપ્ત કરવાની સત્તા પ્રાપ્ત થશે. આ બિલની મદદથી કૌભાંડ કરીને દેશની બહાર ભાગેલા ભાગેડુંઓને કાનૂની પ્રક્રિયા નીચે પરત લાવવામાં સરળતા રહેશે. આ સાથે જ નેશનલ ફાયનાન્સિયલ રિપોર્ટીંગ ઓથોરિટીની સ્થાપનાને પણ કેબિનેટે મંજૂરી આપી છે. આ ખરડો અમલમાં આવતા ગોલમાલ કરનારા ઓડિટર પર પણ સંકજો કસાશે.