ચોમાસુ સત્રના 7 માં દિવસે ખેડૂતો સંબંધી ત્રણ મહત્વના વિધેયક રાજ્યસભામાં થયાં પાસ

સંસદના ચોમાસુ સત્રના આજે સાતમા દિવસે ખેડૂતો સંબંધી ત્રણ મહત્વના વિધેયક રાજ્યસભામાં પાસ થયાં છે. કૃષિ અને ખેડૂત કલ્યાણ મંત્રી નરેન્દ્રસિંહ તોમરે રાજ્ય સભામાં કૃષિ ઉપજ વેપાર અને વાણિજ્ય વિધેયક -2020, મુલ્ય આશ્વાસન અને કૃષિ સેવા વિધેયક-2020 અને જીવન આવશ્યક સુધારા વિધેયક-2020નો ખેડૂત સંબંધી મહત્વના ત્રણ વિધેયક રજૂ કર્યાં હતાં. આ બિલ પર ચર્ચા સમયે ટી.એમ.સી કોંગ્રેસ અને આમ આદમી પાર્ટીના સાંસદોએ રાજ્યસભામાં ભારે અવરોધ પેદા કરવાનો પણ પ્રયાસ કર્યો હતો. આ અંગે કેન્દ્રીય કૃષિ મંત્રી નરેન્દ્ર સિંહ તોમરે ચર્ચા દરમિયાન જણાવ્યું હતું કે, આ બિલથી ખેડૂતોનું જીવન ધોરણ સુધરશે. વિધેયકોની જોગવાઇ ખેડૂતોના જીવનમાં પરિવર્તન લાવશે.