તેલંગાણામાં ભારે વરસાદના કારણે જનજીવન પ્રભાવિત

તેલંગાણામાં ભારે વરસાદના કારણે જનજીવનને માઠી અસર પડી છે. ભારે વરસાદના પરિણામે સર્જાયેલી દુર્ઘટનાથી 11 લોકોનાં મોત થયા નીપજ્યા છે. હૈદરાબાદમાં એક મકાન દુર્ઘટનાગ્રસ્ત થવાથી 9 લોકોનાં મૃત્યું નિપજ્યાં છે. જ્યારે 3 લોકો ઈજાગ્રસ્ત થયાં છે. સતત વરસાદના કારણે, અનેક વિસ્તારોમાં અને રોડ-રસ્તાઓ ઉપર પાણી ભરાઇ ગયાં છે. જેના કારણે લોકોની મુશ્કેલીમાં વધારો થયો છે. રાજ્ય સરકાર દ્વારા વધારે અસરગ્રસ્ત વિસ્તારોમાં રાહત અને બચાવ અભિયાન શરૂ કરવામાં આવ્યું છે. આ અંગે તેલંગાણા સરકારે જણાવ્યું હતું કે, તેઓ હવામાન વિભાગ દ્વારા અપાતી આગાહીની સતત સમીક્ષા કરી રહ્યાં છે. સ્થિતિને જોતા તમામ સ્થળે મદદ પહોંચાડવાનું પણ સરકારે આશ્વાસન આપ્યું છે.