દિલ્હીમાં રાષ્ટ્રપતિ કોવિંદના પત્ની બનાવી રહ્યા છે માસ્ક

અલગ અલગ શેલ્ટર હોમમાં પહોંચાડાય છે માસ્ક

કોરોના વાયરસ વિરુદ્ધ દેશની લડાઇમાં દરેક વ્યક્તિ હાલ પોતાની રીતે નાની મોટી સહાય કરી રહ્યું છે. આ સંકટના સમયે આપણે શક્ય તેટલી એકબીજાને મદદ કરવી જરૂરી છે. ત્યારે આ જ વિચારને આચારમાં મૂકી રહી છે દેશની પ્રથમ મહિલા સવિતા કોવિંદ . જે રાષ્ટ્રપતિ સંપદા પરિસર સ્થિત શક્તિ હાટમાં લોકો માટે માસ્ક બનાવી રહી છે. આ માસ્કને દિલ્હીના અલગ અલગ વિસ્તારોમાં આપવામાં આવશે. શક્તિ હાટમાં બનાવેલા આ માસ્કને દિલ્હી શહેરી આશ્રય સુધાર વોર્ડના અલગ અલગ શેલ્ટર હોમમાં આપવામાં આવશે. આ તસવીરમાં પણ દેખી શકાય છે કે માસ્ક બનાવતી વખતે દેશની પ્રથમ મહિલા એટલે કે રાષ્ટ્રપતિ રામનાથ કોવિંદની પત્ની સવિતા કોવિંદે પોતાના ચહેરાને લાલ રંગના કપડાથી બનાવેલા માસ્કથી ઢાંક્યું છે.