નાગાલેન્ડ અને મેઘાલય વિધાનસભાની ચૂંટણી માટે શાંતિપૂર્ણ માહોલમાં મતદાન શરૂ, 550થી વધુ ઉમેદવારોનું ભાવિ થશે EVMમાં કેદ

નાગાલેન્ડમાં વિધાનસભા ચૂંટણી માટે મતદાન શરૂ થઇ ચુક્યું છે. સવારે સાત વાગે શરૂ થયેલું મતદાન સાંજે ચાર વાગ્યા સુધી ચાલશે. રાજ્યના 13 લાખથી વધુ મતદારો ચાર મહિલા ઉમેદવારો સહિત કુલ 184 ઉમેદવારોના ભાવિનો આજે ફેંસલો કરશે. રાજ્યની 60 વિધાનસભા બેઠક પૈકી 59 વિધાનસભા બેઠક માટે ચૂંટણી યોજાઇ છે. એક વિધાનસભ્ય વિરોધ હીન ચૂંટાઇ આવ્યા છે. મેઘાલયમાં પણ વિધાનસભા ચૂંટણી માટે મતદાન જારી છે.  અહીં આજે 36 મહિલા ઉમેદવાર સહિત 369 ઉમેદવારોના ભાવિનો  મતદારો ફેંસલો કરશે. અહીં પણ વિધાનસભાની 60 બેઠક છે. પરંતુ એક ઉમેદવારનું મૃત્યુ થયું હોવાને કારણે 59 બેઠક માટે મતદાન થઇ રહ્યું છે. રાજ્યમાં 21 લાખ 40 હજાર મતદારો છે.  ન્યાયી અને નિષ્પક્ષ મતદાન માટે ચૂંટણી પંચ દ્વારા વ્યવસ્થા કરવામાં આવી છે.