પ્રધાનમંત્રી નરેન્દ્ર મોદીએ દેશવાસીઓ સાથે કરી "મન કી બાત"

દર મહિનાના છેલ્લા રવિવારે પ્રધાનમંત્રી નરેન્દ્ર મોદીના વિશેષ કાર્યક્રમ "મન કી બાત" નું આકાશવાણી પરથી પ્રસારણ થતું હોય છે. ત્યારે આજે માર્ચ મહિનાના છેલ્લા રવિવારના રોજ સવારે 11 વાગે આ કાર્યક્રમનું પ્રસારણ કરવામાં આવશે. મન કી બાત 2.0 ના આ 22માં ભાગમાં પ્રધાનમંત્રી વિવિધ વિષયો ઉપર પોતાના વિચારો વ્યક્ત કરશે.
નાગરિકો આ કાર્યક્રમ માટે પોતાના વિચારો, સૂચનો વગેરે નમો એપ, માય જી.ઓ.વી. મંચ ઉપરાંત ટોલ ફ્રી નંબર 1800-11-7800 ઉપર મોકલી શકાય છે. સવારે 11 વાગ્યે મન કી બાત હિન્દીમાં રજૂ થયા બાદ આ કાર્યક્રમનું પ્રાદેશિક ભાષાઓમાં તેના ભાવાનુવાદનું પ્રસારણ આકાશવાણી ઉપર જ કરવામાં આવશે. મન કી બાતના પ્રાદેશિક ભાષાઓમાં ભાવાનુવાદનું પુનઃપ્રસારણ રાત્રે આઠ વાગે જે તે ભાષાના આકાશવાણીના કેન્દ્રો પરથી કરવામાં આવશે. 
આ કાર્યક્રમનું પ્રસારણ આકાશવાણી તથા દૂરદર્શનના બધા જ નેટવર્ક પરથી કરવામાં આવશે તેમજ DD ન્યૂઝ અને ન્યૂઝ ઓન એરની વેબસાઇટ પરથી પણ પ્રસારણ કરવામાં આવશે.