પ્રધાનમંત્રી નરેન્દ્ર મોદી આજે 'સ્વનિધી યોજના'ના લાભાર્થીઓ સાથે વાતચીત કરશે 

પ્રધાનમંત્રી નરેન્દ્ર મોદી આજે પ્રધાનમંત્રી સ્વનિધી યોજના અંતર્ગત ઉત્તર પ્રદેશના લાભાર્થી સાથે વીડિયો કોન્ફરન્સ દ્વારા વાતચીત કરશે. એમાં ઉત્તર પ્રદેશના મુખ્ય મંત્રી યોગી આદિત્યનાથ પણ ઉપસ્થિત રહેશે. 

1 જૂન 2020ના રોજ કરવામાં આવી હતી યોજનાની શરૂઆત

પીએમ સ્વનિધિ યોજનાની શરૂઆત રસ્તા પર ચીજવસ્તુઓ વેચતા ફેરીયાઓ માટે 1 જૂન 2020ના રોજ કરવામાં આવી હતી. કોવિડ-19ના કારણે જેઓ પ્રભાવીત થયા હતા, તેમની આજીવિકા ફરી શરૂ થઇ છે. આ યોજના અંતર્ગત 24 લાખથી વધારે અરજી પ્રાપ્ત થઇ હતી. એમાંથી 12 લાખ અરજીઓને મંજૂરી આપવામાં આવી છે. 

આ મુદ્દાઓ પર પીએમ મોદી ચર્ચા કરશે 

દરમિયાન પીએમ નરેન્દ્ર મોદી સતર્ક ભારત, સમૃદ્ધ ભારતના મુદ્દા પર વીડિયો કોન્ફરન્સ દ્વારા રાષ્ટ્રીય સંમેલનનું ઉદ્ધાટન પણ કરશે. કેન્દ્રિય તપાસ બ્યુરો દર વર્ષે આ રાષ્ટ્રીય સંમેલનનું આયોજન કરે છે. આ ત્રણ દિવસના આ સંમેલનમાં વિદેશોમાં વિધી શાસ્ત્ર સંબંધીત પડકારો, ભષ્ટ્રાચાર વિરુદ્ધ સતર્કતા, બેંકોમાં થતી છેતરપિંડીને રોકવી, આર્થિક ગુના તથા વધી રહેલા સાઇબર ગુનાને અટકાવવા સહિત વિવિધ મુદ્દા પર ચર્ચા થશે.