પ્રધાનમંત્રી નરેન્દ્ર મોદી કાલે યૂપીના પ્રવાસે, સ્ત્રી સશક્તિકરણના કાર્યક્રમમાં આપશે હાજરી

પ્રધાનમંત્રી નરેન્દ્ર મોદી કાલે ઉત્તર પ્રદેશની મુલાકાતે છે. પ્રધાનમંત્રી પ્રયાગરાજમાં સ્ત્રી સશક્તિકરણના કાર્યક્રમમાં ઉપસ્થિત રહેવાના છે. સ્ત્રી સશક્તિકરણના કાર્યક્રમમાં પ્રધાનમંત્રી નરેન્દ્ર મોદીની ઉપસ્થિતિમાં સ્વસહાય બેન્ક ખાતાઓમાં 1 હજાર કરોડ રૂપિયા ટ્રાન્સફર કરવામાં આવશે. દિન દયાળ અંત્યોદય યોજના અને રાષ્ટ્રીય આજીવિકા મિશન હેઠળ આ રકમ સ્વ સહાય જૂથોને આપવામાં આવશે. પ્રધાનમંત્રી નરેન્દ્ર મોદી 20 હજાર બિઝનેસ કોરસપોન્ડટ સખીઓને પહેલા મહિનાના સ્ટાઈપેન્ડની રકમ આપશે. પ્રથમ મહિનામાં 4 હજાર રૂપિયા સ્ટાઈપેન્ડ તરીકે ચૂકવવામાં આવશે. આ સાથે પ્રધાનમંત્રી કન્યા સુમંગલ યોજનાના 1 લાખથી વધુ લાભાર્થીઓને 20 કરોડ રૂપિયાથી વધુની રકમ ચૂકવશે. આ કાર્યક્રમમમાં 2 લાખથી વધુ મહિલાઓ ભાગ લેશે.