પ્રધાનમંત્રી નરેન્દ્ર મોદી 19 મેથી ત્રણ દિવસના વિદેશ પ્રવાસે, G7ના વિભિન્ન સત્રોમાં ભાગ લેશે

આ બેઠકમાં ધરતી પર શાંતિ, સ્થિરતા અને ભોજન ઉર્વરક તથા ઊર્જા સુરક્ષા જેવા વિષયો પર ચર્ચા કરશે.

પ્રધાનમંત્રી નરેન્દ્ર મોદી 19 મેના રોજ જાપાન, પાપૂઆ ન્યૂ ગિની અને ઓસ્ટ્રેલિયાના પ્રવાસે જશે. 19 થી 21 મે સુધી જાપાનના હિરોશીમાની યાત્રા કરશે. પ્રધાનમંત્રી નરેન્દ્ર મોદી જાપાનના પ્રધાનમંત્રી કિશિદા ફુમિયોના નિમંત્રણ પર G7 બેઠકમાં ભાગ લેશે. બેઠક દરમિયાન પ્રધાનમંત્રી ભાગીદાર દેશો સાથે G7ના વિભિન્ન સત્રોમાં ભાગ લેશે. આ બેઠકમાં ધરતી પર શાંતિ, સ્થિરતા અને ભોજન ઉર્વરક તથા ઊર્જા સુરક્ષા જેવા વિષયો પર ચર્ચા કરશે.

વિદેશ મંત્રાલય જણાવે છે કે, પ્રધાનમંત્રી જાપાનથી પાપુઆ ન્યૂ ગિની પોર્ટ મોરેસ્બી માટે રવાના થશે. 22 મેના રોજ પાપુઆ ગિનીના પ્રધાનમંત્રી જેમ્સ મારાપે સાથે સંયુક્ત રૂપે હિન્દ પ્રશાંત દ્વીપ સમૂહ સહયોગ મંચના ત્રીજા શિખ સંમેલનનું ઉદઘાટન કરશે. પ્રધાનમંત્રી નરેન્દ્ર મોદી પ્રવાસ દરમિયાન 24 મેના રોજ ઓસ્ટ્રેલિયાના પ્રધાનમંત્રી એન્થની અલ્બાંસેની સાથે બેઠક કરશે. પ્રધાનમંત્રી નરેન્દ્ર મોદી 23મેના રોજ ઓસ્ટ્રેલિયાની વિભિન્ન કંપનીઓના મુખ્ય કાર્યકારી અધિકારીઓ અને વેપાર પ્રતિનિધિઓ સાથે વાતચીત કરશે, જ્યાં ભારતીય સમુદાયને સંબોધન કરશે.