બાબા રામદેવએ લૉન્ચ કર્યું પતંજલિ સીમ કાર્ડ : 2GB ડાટા સાથે ફ્રી લાઇફ ઇન્સ્યોરન્સ

પતંજલિ સીમકાર્ડ શરૂઆતમાં પતંજલિના કર્મચારીઓને મળશે. આગામી દિવસોમાં તેને કમર્શિયલી લોન્ચ કરાશે.

બાબા રામદેવની પતંજલિએ મોબાઇલ સિમકાર્ડ લોન્ચ કરીને ટેલિકોમ ક્ષેત્રમાં પણ ઝંપલાવ્યું છે. યોગ ગરુ બાબા રામદેવની કંપની પતંજલિએ રવિવારે તેની જાહેરાત કરી હતી. જાહેર ક્ષેત્રની ટેલિકોમ કંપની બીએસએનએલ સાથે મળીને બાબા રામદેવએ પતંજલિ સીમકાર્ડ લૉન્ચ કર્યું, જેને 'સ્વદેશી સમૃદ્ધિ સિમકાર્ડ' નામ આપવામાં આવ્યું છે.

સ્વદેશી સમૃદ્ધિ સિમકાર્ડ પર યૂઝર 144 રૂપિયાના રિચાર્જથી દેશભરમાં અનલિમિટેડ કોલ, 2 જીબી ડેટા અને 100 મેસેજ કરી શકશે. એટલું જ નહીં કસ્ટમર્સને હેલ્થ, એક્સિડેન્ટલ અને લાઇફ ઇન્શ્યોરન્સ પણ આપવામાં આવશે.

સિમકાર્ડ લોન્ચ અવસર પર બાબા રામદેવે કહ્યું કે, બીએસએનએલ એક સ્વદેશી નેટવર્ક છે. પતંજલિ તથા બીએસએનએલ બંનેનો હેતુ દેશના લોકોનું ભલું કરવાનો છે. દેશમાં બીએસએનએલના 5 લાખ કાઉન્ટર્સ પર ટૂંક સમયમાં પતંજલિ સ્વદેશી સમૃદ્ધિ સિમકાર્ડ ઉપલબ્ધ થશે.