બુધવાર સુધીમાં ફાની વધુ ઉગ્ર સ્વરૂપ ધારણ કરે તેવી સંભાવનાઓ: હવામાન વિભાગ

ચક્રવાતી વાવાઝોડુ ફાનીએ  ગઈકાલથી રૌદ્ર સ્વરૂપ ધારણ કરેલ છે. હવામાન વિભાગે બુધવાર સુધી ફાની  વધુ ઉગ્ર સ્વરૂપ ધારણ કરે તેવી સંભાવનાઓ જણાવી છે. પાછલા છ કલાકથી આ વાવાઝોડુ  પાંચ કિલોમીટરની ઝડપથી  ઉત્તર દિશામાં વધી રહ્યું છે , તે અત્યારે ચેન્નાઈના પૂર્વ, દક્ષિણ - પૂર્વ દિશામાં 810 કિલોમીટર અને મછલીપટ્ટમ તટ થી  950 કિલોમીટરનાં અંતરે  કેન્દ્રીત છે. ,હવામાન વિભાગના જણાવ્યા પ્રમાણે  પશ્ચિમ બંગાળના તટીય વિસ્તારોમાં  સામાન્ય, અને કેટલાક વિસ્તારમાં  ભારેથી , અતિ ભારે વરસાદ થવાની શક્યતા છે.  સરકારે આ પરિસ્થિતિને પહોંચી વળવા તમામ પ્રકારની વ્યવસ્થા કરી છે.  તેમજ ભારતીય તટ રક્ષક દળને  હાઈ-એલર્ટ ઉપર મુકવામાં આવ્યું છે.  આ બાબતે પ્રધાનમંત્રીએ અધિકારીઓ પાસેથી  ચક્રવાતી વાવાઝોડુ -ફાનીથી, ઉત્પન્ન થનારી પરિસ્થિતિની, સમિક્ષા કરી હતી. 

તેમજ ભારતીય નૌ-સેના મદદ માટે , સંપૂર્ણપણે તૈયાર છે.  એક ટ્વિટ કરી , ભારતીય નૌ-સેનાએ જણાવ્યું છે  કે, વિશાખાટ્ટનમ  અને ચેન્નાઈના અસરગ્રસ્ત ક્ષેત્રમાં  સંપૂર્ણ રાહત સામગ્રી સાથે જહાજો , તૈયાર છે. 

નૌ-સેના વિમાન પણ તામિલનાડુમાં આરક્કોનમ નૌસેના એર સ્ટેશન પર INS રાજાલીમાં અને આંધ્રપ્રદેશના વિશાખાપટ્ટનમના INS દેવગામાં તૈનાત છે.