ભાજપની આગેવાની હેઠળની દિલ્હી સરકાર આજે રજૂ કરશે બજેટ

નવી ચૂંટાયેલી ભારતીય જનતા પાર્ટી સરકારનું 5 દિવસનું બજેટ સત્ર આજે 11 વાગ્યે ખીર સમારોહ સાથે શરૂ થશે. સત્રના પહેલાં દિવસે 2024 માટે દિલ્હી ટ્રાન્સપોર્ટ કોર્પોરેશન પર કોમ્પ્ટ્રોલર અને ઓડિટર જનરલ (CAG) નો અહેવાલ રજૂ થવાની સંભાવના છે. જોકે, આર્થિક સર્વેક્ષણ સત્રનાં પહેલાં દિવસે ગૃહમાં રજૂ કરવામાં આવશે કે નહીં તેની કોઈ પૃષ્ટિ થઈ નથી.

સરકારે ખેડૂતો અને વેપારીઓ જેવા વિવિધ સમુદાયોના પ્રતિનિધિઓને પણ આમંત્રણ આપ્યું છે, જેમના સૂચનો બજેટમાં સમાવવા માટે માંગવામાં આવ્યા હતા. ગૃહની શરૂઆત પ્રશ્નકાળથી થશે, અને ત્યારબાદ ખાસ ઉલ્લેખ (નિયમ-280) થશે, જે હેઠળ ધારાસભ્યો અધ્યક્ષની પરવાનગીથી તેમના મતવિસ્તારો અને સામાન્ય રીતે દિલ્હીના લોકોને અસર કરતા મુદ્દાઓ ઉઠાવશે.

દિલ્હી બજેટ 2025-26 માં માળખાગત વિકાસ, યમુનાની સફાઈ અને વાયુ પ્રદૂષણનો સામનો કરવા પર ધ્યાન કેન્દ્રિત કરવાની શક્યતા છે, જેમાં આરોગ્ય અને શિક્ષણ ક્ષેત્રો માટે જોગવાઈઓ શામેલ છે. બજેટ રજૂ થયા પછી, નાણાકીય ફાળવણી અને નીતિગત પહેલનું વિશ્લેષણ કરવા માટે 26 માર્ચના રોજ સામાન્ય ચર્ચા થશે. 27 માર્ચે (ગુરુવાર) પ્રસ્તાવિત બજેટ પર ચર્ચા અને મતદાન કરાશે. 

ભાજપના નેતાઓના મતે, દિલ્હીના લોકો તરફથી મળેલા સૂચનોને ધ્યાનમાં રાખીને બજેટ 2025-26 બનાવવામાં આવ્યું છે. "અમને ઈમેલ પર 3,303 સૂચનો અને 6,982 વોટ્સએપ સંદેશાઓ મળ્યા. અમે તે બધા સૂચનોનો કાળજીપૂર્વક વિચાર કર્યો છે.